ମୁମ୍ବାଇ,୨୯।୩ : ମହାରାଷ୍ଟ୍ର କ୍ୟାବିନେଟ ମନ୍ତ୍ରୀ ତାନାଜୀ ସାୱନ୍ତ ଏକ ବଡ ବିବୃତ୍ତି ଦେଇଛନ୍ତି । ସେ ଦାବି କରିଛନ୍ତି ଯେ ଦେବେନ୍ଦ୍ର ଫଡନାଭିସଙ୍କ ନିର୍ଦ୍ଦେଶରେ ମହାରାଷ୍ଟ୍ରରେ ଉଦ୍ଧବ ଠାକରେ ସରକାରଙ୍କୁ କ୍ଷମତାଚ୍ୟୁତ କରାଯାଇଛି। ଜୁନ ୨୦୨୨ ରେ ଏକନାଥ ଶିନ୍ଦେଙ୍କ ନେତୃତ୍ୱରେ ଶିବସେନା ବିଧାୟକମାନେ ବିଦ୍ରୋହ କରିଥିଲେ, ଯେଉଁଥିପାଇଁ ଉଦ୍ଧବ ଠାକରେଙ୍କ ନେତୃତ୍ୱରେ ଥିବା ଶିବସେନା-ଏନସିପି-କଂଗ୍ରେସ ମିଳିତ ମେଣ୍ଟ ସରକାରଙ୍କର ପତନ ହୋଇଥିଲା। ଏହା ପରେ ଏକନାଥ ଶିନ୍ଦେଙ୍କ ନେତୃତ୍ୱରେ ଶିବସେନା ଏବଂ ଭାଜପାର ମିଳିତ ମଞ୍ଚରେ ଦେବେନ୍ଦ୍ର ଫଡନାଭିସ ଉପମୁଖ୍ୟମନ୍ତ୍ରୀ ଭାବରେ ଏକ ନୂତନ ସରକାର ଗଠନ କରିଥିଲେ।
ମହାରାଷ୍ଟ୍ର ସରକାରଙ୍କ କ୍ୟାବିନେଟ ମନ୍ତ୍ରୀ ତାନାଜୀ ଓସମାନାବାଦରେ ଏକ ସାଧାରଣ ସଭାରେ ଯୋଗ ଦେଇ ମୁଁ ଏବଂ ବର୍ତ୍ତମାନର ମୁଖ୍ୟମନ୍ତ୍ରୀ ଏକନାଥ ଶିନ୍ଦେ ଉଦ୍ଧବଙ୍କୁ କ୍ଷମତାଚ୍ୟୁତ କରିବା ଲାଗି ଫଡନଭିସଙ୍କ ନେତୃତ୍ୱରେ ଦୁଇ ବର୍ଷରେ ୧୦୦ ରୁ ୧୫୦ ବୈଠକ କରିଥିଲୁ। ଏହା ପରେ ଫଡନାଭିସଙ୍କ ନିର୍ଦ୍ଦେଶରେ ଶିବସେନା ଏବଂ ଭାଜପା ଓସମାନାବାଦ ଜିଲା ପରିଷଦ ନିର୍ବାଚନରେ ଏକାଠି ପ୍ରତିଦ୍ୱନ୍ଦ୍ୱିତା କରିଥିଲେ ଏବଂ ସେଠାରୁ ମିଳିତ ମଞ୍ଚ ଆରମ୍ଭ ହୋଇଥିଲା।
ମୁଁ ହିଁ ପ୍ରଥମେ ମାତୋଶ୍ରୀରେ ବିଦ୍ରୋହର ବିଗୁଲ ବଜାଇଥିଲି। କଂଗ୍ରେସ ଏବଂ ଏନସିପି ସହିତ ସରକାର ଗଠନ କରିବା ରାଜ୍ୟର ୧୨ କୋଟି ଲୋକଙ୍କ ପ୍ରତି ଅପମାନ ଥିଲା। ସେମାନେ ଶିବସେନା-ଭାଜପା ମିଳିତ ସରକାର ପାଇଁ ଭୋଟ ଦେଇଥିଲେ। ତେଣୁ ଶେଷରେ ଏହି ପଦକ୍ଷେପ ଗ୍ରହଣ କରାଯାଇଥିଲା।