କାଟିହାର,୭।୧୧-ବିହାର ବିଧାନସଭା ନିର୍ବାଚନ ପାଇଁ ଶନିବାର ଶେଷ ପର୍ଯ୍ୟାୟ ଭୋଟ ଗ୍ରହଣ ଚାଲିଛି। ଏପରିସ୍ଥିତିରେ ନିଜର ମତଦାନ ସାବ୍ୟସ୍ତ କରିବା ପାଇଁ କାଟିହର ଜିଲାର ସୁଖଦେବ ମଣ୍ଡଳ(୧୦୦) ଖଟିଆରେ ମତଦାନ କେନ୍ଦ୍ରକୁ ବୁହା ହୋଇ ଆସିବା ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
ଭିଡିଓରେ ଦେଖାଯାଇଛି, ୫ଜଣ ଲୋକ ସୁଖଦେବଙ୍କୁ ଖଟିଆରେ ମତଦାନ କେନ୍ଦ୍ରକୁ ବୋହି ନେଉଛନ୍ତି। ଏହାପରେ ସୁଖଦେବ ଖଟିଆରୁ ଓହ୍ଲାଇ ମତଦାନ କେନ୍ଦ୍ରକୁ ପ୍ରବେଶ କରୁଛନ୍ତି। ଏହି ସମୟରେ ତାଙ୍କ ହାତରେ ସାଲାଇନ ଲାଗିଥିବା ଦେଖିବାକୁ ମିଳିଛି। ପରେ ସେଠାରେ ଥିବା ଅଧିକାରୀମାନେ ସୁଖଦେବଙ୍କୁ ମତଦାନ କେନ୍ଦ୍ରକୁ ନେଇଥିଲେ।