ମୁମ୍ବାଇ: ସୁପରଷ୍ଟାର ଶାହାରୁଖ ଖାନଙ୍କ ଫିଲ୍ମ ‘ପଠାନ’ ଗୋଟିଏ ପରେ ଗୋଟିଏ ନୂଆ ମାଇଲଖୁଣ୍ଟ ହାସଲ କରୁଛି। ଏଭଳି ପରିସ୍ଥିତିରେ ବର୍ତ୍ତମାନ ଶାହରୁଖ ଖାନଙ୍କ ଫିଲ୍ମ ୨୭ ଦିନରେ ୧୦୦୦ କୋଟି କ୍ଲବ୍ରେ ସାମିଲ ହୋଇଛି। ଶାହାରୁଖଙ୍କ ଫିଲ୍ମ ଦେଶରେ ୬୨୩ କୋଟି ଟଙ୍କା ସଂଗ୍ରହ କରିଥିବାବେଳେ ବିଦେଶରେ ୩୭୭ କୋଟି ଟଙ୍କା ଆୟ କରିଛି। ଯାହା ବିଶ୍ୱବ୍ୟାପୀ ୧୦୦୦ କୋଟି ସଂଗ୍ରହ କରିବାରେ ସଫଳ ହୋଇଛି।
ଏକ ରିପୋର୍ଟ ଅନୁଯାୟୀ, ଶାହାରୁଖଙ୍କ ଏହି ଚଳଚ୍ଚିତ୍ର ଭାରତରେ ପଞ୍ଚମ ଚଳଚ୍ଚିତ୍ର ହୋଇପାରିଛି, ଯାହା ୧୦୦୦ କୋଟିରୁ ଅତିକ୍ରମ କରିଛି। ଏହାପୂର୍ବରୁ ଆମୀର ଖାନଙ୍କ ‘ଡଙ୍ଗଲ’ ୧୯୬୮.୦୩ କୋଟି ରୋଜଗାର କରିଥିଲା। ତା’ପରେ ସାଉଥ ସୁପରଷ୍ଟାର ପ୍ରଭାସଙ୍କ ଫିଲ୍ମ ‘ବାହୁବଳୀ ୨’ ୧୭୪୭ କୋଟି, ତୃତୀୟରେ ୟଶଙ୍କ ଫିଲ୍ମ ‘କେଜିଏଫ -୨’ ୧୧୮୮ କୋଟି, ଚତୁର୍ଥରେ ଫିଲ୍ମ‘ ଆର୍ଆର୍ଆର୍’୧୧୭୪ କୋଟି ଟଙ୍କା ଆୟ କରିଥିଲା। ଏହାପରେ ଶାହାରୁଖଙ୍କ ଫିଲ୍ମ ୧୦୦୦ କୋଟି ରୋଜଗାର କରିଛି।
ଏହି ସପ୍ତାହରେ କାର୍ତ୍ତିକ ଆ୍ୟନଙ୍କ ଫିଲ୍ମ ’ଶେହଜାଦା’ ମୁକ୍ତିଲାଭ କରିଛି। ସେହି ସମୟରେ ମାର୍ଭେଲର ଆଣ୍ଟ-ମ୍ୟାନ ମଧ୍ୟ ମୁକ୍ତିଲାଭ କରିଥିଲା। ତେବେ ଏହା ସତ୍ତ୍ୱେ ‘ପଠାନ’ର ସଂଗ୍ରହ ଉପରେ କୌଣସି ପ୍ରଭାବ ଦେଖିବାକୁ ମିଳି ନ ଥିଲା।
