ଆର.ଉଦୟଗିରି,୨୩ା୫(ଡି.ଏନ.ଏ.)- ମୋହନା ଥାନା ଅନ୍ତର୍ଗତ ମୋହନାଠାରୁ ବଡଗଡ଼ ଯିବା ରାସ୍ତା କେନ୍ଦୁପଦା ଛକରେ ମୋହନା ପୋଲିସ ପାଟ୍ରୋଲିଂ କରିବା ସମୟରେ ଏକ ଟାଟା ଏସିଇ (ନଂ ଓଡ଼ି୦୨ବିକେ-୫୦୪୨)ରେ ଚୋରା ଚାଲାଣ ହେଉଥିବା ୧୦୩୪କେଜି ଭାଙ୍ଗକୁ ଜବତ କରିଛି। ଜବତ ସମୟରେ ନୟାଗଡ଼ ଜିଲା ଓଡ଼ଗାଁ ଥାନା ଅନ୍ତର୍ଗତ ରଗଡିପଦା ଗ୍ରାମର ଜଗନ୍ନାଥ ପାତ୍ରଙ୍କ ପୁତ୍ର ବସନ୍ତ ପାତ୍ର (ଡ୍ରାଇଭର)ଙ୍କୁ ପୋଲିସ କୋର୍ଟ ଚାଲାଣ କରିଛି। ମୋହନା ଥାନା ଅଧିକାରୀ ବସନ୍ତ କୁମାର ସେଠୀ ଏହି ଦୁର୍ଗମ ଅଞ୍ଚଳରେ ଚୋରା ଚାଲାଣକାରୀଙ୍କ ପ୍ରତି କଠୋର କାର୍ଯ୍ୟାନୁଷ୍ଠାନ ସହ ଚବିଶ ଘଣ୍ଟିଆ ପାଟ୍ରୋଲିଂ ଜାରି ରହିବ ବୋଲି ପ୍ରକାଶ କରିଛନ୍ତି।