ଲକ୍ଷ୍ନୌ,୧୪।୧୧ : ୟୁପିର ହାଥରସ ଜିଲାରୁ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ଯେଉଁଠାରେ ଜଣେ ଦଶମ ଶ୍ରେଣୀର ଛାତ୍ରୀ ମା‘ ହୋଇଛନ୍ତି। ପେଟ କାଟିବା ହେଉଥିବା ଅଭିଯୋଗ କରି ସେ ଜିଲା ଡାକ୍ତରଖାନାର ଜରୁରୀକାଳୀନ ଓ୍ବାର୍ଡରେ ଭର୍ତ୍ତି ହୋଇଥିଲେ। ତେବେ ପରିସ୍ରା ଯାଇ ଡାକ୍ତରଖାନାର ଶୌଚାଳୟରେ ଏକ ଶିଶୁ କନ୍ୟାକୁ ଜନ୍ମ ଦେଇଛନ୍ତି। ଏହା ଦେଖି ତାଙ୍କ ପରିବାର ସଦସ୍ୟ ଆଶ୍ଚର୍ଯ୍ୟ ହୋଇ ଯାଇଛନ୍ତି। ନବଜାତ ଶିଶୁ କନ୍ୟାଙ୍କୁ ଆଇସିୟୁରେ ଭର୍ତ୍ତି କରାଯାଇଛି। ପୋଲିସ ପକ୍ଷରୁ ନାବାଳିକା କିପରି ଗର୍ଭବତୀ ହେଲେ ତାହାର ତଦନ୍ତ ଜାରି ରହିଛି।
କୋଟୱାଲୀ ହାଥରସ ଗେଟ ଅଞ୍ଚଳର ମଥୁରା ଜନପଦୀ ରାୟା ପୋଲିସ ଷ୍ଟେଶନ ଅଞ୍ଚଳରେ ଥିବା ତାଙ୍କ ମାମୁ ଘରେ ରହି ପାଠ ପାଠ ପଢୁଛନ୍ତି। ସେ ଦଶମ ଶ୍ରେଣୀରେ ଏକ ପ୍ରାଇଭେଟ ସ୍କୁଲରେ ଅଧ୍ୟୟନ କରୁଛନ୍ତି। ତାଙ୍କ ମାମୁ ଘର ନିକଟରେ ରହୁଥିବା ଜଣେ ବ୍ୟକ୍ତିଙ୍କ ସହ ତାଙ୍କର ଶାରୀରିକ ସମ୍ପର୍କ ଥିଲା ବୋଲି କୁହାଯାଉଛି। ଝିଇଟିର କହିବାନୁସାରେ, ସେ ଗର୍ଭବତୀ ଥିବା ମଧ୍ୟ ଜାଣି ପାରି ନ ଥିଲେ। ଝିଇ ଜଣକ କହିଛି ସେ ଯକୃତ ରୋଗରେ ପୀଡିତ ଏବଂ ଘରେ ଚିକିତ୍ସିତ ହେଉଛନ୍ତି। ଯେଉଁଥିପାଇଁ ତାଙ୍କ ଶରୀର ଫୁଲି ଯାଇଥିଲା। ସେ ପ୍ରାୟ ୪ ଦିନ ପୂର୍ବରୁ ତାଙ୍କ ମାମୁ ଘରୁ ନିଜ ଗାଁକୁ ଆସିଥିଲେ। ଯେଉଁଠାରେ ତାଙ୍କ ସ୍ବାସ୍ଥ୍ୟ ହଠାତ ଖରାପ ହୋଇଯାଇଥିଲା। ଏହା ଉପରେ ପରିବାର ସଦସ୍ୟ ତାଙ୍କୁ ଜିଲା ଡାକ୍ତରଖାନାର ଜରୁରୀକାଳୀନ ଓ୍ବାର୍ଡକୁ ନେଇ ଯାଇଥିଲେ ଏବଂ ସେଠାରେ ତାଙ୍କ ପେଟରେ ଯନ୍ତ୍ରଣା ହେଉଥିବାର ଜଣାଇଥିଲେ।
ସିଏମଏସ ଡାକ୍ତର ଶୈଲି ସିଂ କହିଛନ୍ତି ଅବିବାହିତା ଝିଅ ଜିଲା ଡାକ୍ତରଖାନାର ଶୌଚାଳୟରେ ଏକ ଶିଶୁ କନ୍ୟାକୁ ଜନ୍ମ ଦେଇଛି। ଏହି ଘଟଣାର ଖବର ଉଚ୍ଚ ପଦାଧିକାରୀଙ୍କୁ ଦିଆଯାଇଛି।