![](https://www.dharitri.com/wp-content/uploads/2022/09/n-16-15.jpg)
ଇଟାନଗର, ୨୦।୯ : ଅରୁଣାଚଳ ପ୍ରଦେଶର ପୂର୍ବ କାମେଙ୍ଗ ଜିଲାରୁ ୧୧ ଜଣ ନକଲି ସାଧୁଙ୍କୁ ପୋଲିସ ଗିରଫ କରିଛି। ପଶ୍ଚିମବଙ୍ଗର ମାଲଦାଠାରେ ଆଶ୍ରମ ନିର୍ମାଣ ନାମରେ ସେମାନେ ଘରଘର ବୁଲି ଟଙ୍କା ସଂଗ୍ରହ କରୁଥିଲେ। ଏହି ଗ୍ୟାଙ୍ଗର ସନ୍ଦେହଜନକ କାର୍ଯ୍ୟକଳାପ ପରେ ବୋମଡିଲା ପୋଲିସ ପଚରାଉଚରା ପରେ ନକଲି ସାଧୁ ଗ୍ୟାଙ୍ଗକୁ ଧରିଥିଲା।
ଦୁଇ ଦିନ ମଧ୍ୟରେ ବୋମଡିଲା ସହରରୁ ୭୦ ହଜାର ଟଙ୍କା ଦାନ ଟଙ୍କା ସଂଗ୍ରହ କରିଥିଲେ। ଯାଞ୍ଚ ପାଇଁ ପୋଲିସ ମାଲଦାର ସ୍ଥାନୀୟ କର୍ତ୍ତୃପକ୍ଷଙ୍କ ସହ ମଧ୍ୟ ଯୋଗାଯୋଗ କରିଥିଲା ଏବଂ ଉକ୍ତ ଅଞ୍ଚଳରେ କୌଣସି ଆଶ୍ରମ ନିର୍ମାଣ କରାଯାଉ ନ ଥିବା ଜଣାପଡିଛି। ପୋଲିସ ଏକ ମାମଲା ରୁଜୁ କରି ଅଧିକ ତଦନ୍ତ ଆରମ୍ଭ କରିଛି।
ଏହି ଗୋଷ୍ଠୀ ଅରୁଣାଚଳ ପ୍ରଦେଶର ଇଟାନଗର, ନାହରଲାଗୁନ, ପାସିଘାଟ, ଆଲୋ, ବସାର, ଡାପୋରିଜୋ ଏବଂ ସେପ୍ପା ଆଦି ଅଞ୍ଚଳରେ ଗତ ତିନିରୁ ଚାରି ବର୍ଷ ମଧ୍ୟରେ ନିରୀହ ଲୋକଙ୍କୁ ଠକିବା ସହ ବିପୁଳ ଅର୍ଥ ସଂଗ୍ରହ କରିଛନ୍ତି। ସେମାନଙ୍କଠାରୁ ବିଭିନ୍ନ ସାମଗ୍ରୀ ମଧ୍ୟରେ ନଗଦ ଟଙ୍କା, ମୋବାଇଲ ଫୋନ ଏବଂ ଅନ୍ୟାନ୍ୟ ଜାଲ ଡକ୍ୟୁମେଣ୍ଟ ଉଦ୍ଧାର କରାଯାଇଛି।
ଗିରଫ ହୋଇଥିବା ଜଣଙ୍କ ଆକାଉଣ୍ଟରେ ଗତ ଆଠ ମାସ ମଧ୍ୟରେ ୧୫ ଲକ୍ଷ ଟଙ୍କାର ସନ୍ଦେହଜନକ କାରବାର ହୋଇଥିବା ପୋଲିସ କହିଛି।