କଟକ ଅଫିସ, ୪।୭: କଟକରେ ଶନିବାର ଆଉ ୧୧ ନୂଆ କରୋନା ପଜିଟିଭ୍ କେସ୍ ଚିହ୍ନଟ ହୋଇଛନ୍ତି। ଏହାକୁ ମିଶାଇ ସହରରେ ମୋଟ ଆକ୍ରାନ୍ତ ସଂଖ୍ୟା ୧୧୬ ହୋଇଛି। ସେଥିରୁ ୨୨ ସୁସ୍ଥ ହୋଇ ଘରକୁ ଫେରିଥିବା ବେଳେ ୨ଜଣଙ୍କ ମୃତ୍ୟୁ ଘଟିଛି। ସେହିଭଳି ୯୨ଜଣ ସକ୍ରିୟ କରୋନା ମାମଲା ରହିଛି। ଏନେଇ କଟକ ମହାନଗର ନିଗମ(ସିଏମ୍ସି) ପକ୍ଷରୁ ଟୁଇଟ୍ କରି ସୂଚନା ଦିଆଯାଇଛି।
ତେବେ ନୂତନ ଆକ୍ରାନ୍ତଙ୍କ ମଧ୍ୟରେ ୫ ଇନ୍ଷ୍ଟିଚ୍ୟୁସନାଲ କ୍ୱାରାଣ୍ଟାଇନ୍ କେସ୍ ରହିଛି। ସେଥିରେ କ୍ୟାନ୍ସର ହସ୍ପିଟାଲର ରୋଗୀ ଏବଂ ସମ୍ପର୍କୀୟ ଅଛନ୍ତି। ସେହିଭଳି ୬ ହୋମ୍ କ୍ୱାରାଣ୍ଟାଇନ୍ କେସ ମଧ୍ୟରେ ଜଣେ କୋଭିଡ ଯୋଦ୍ଧାଙ୍କ ସହ ୫ ଚାଉଳିଆଗଞ୍ଜ ଘରୋଇ ଡାକ୍ତରଖାନାର କର୍ମଚାରୀ ରହିଛନ୍ତି। ଏହା ବିଭାଗ ପକ୍ଷରୁ କୁହାଯାଇଛି।