ବାରିପଦା ଅଫିସ,୨୦।୧୨: ଆଦିବାସୀ ଭାଷା ଓ ଲିପି ଶିକ୍ଷକଙ୍କୁ ନିୟମିତ କରିବା ଦାବିରେ ମଙ୍ଗଳବାର ମିଳିତ ଆଦିବାସୀ ସଙ୍ଗଠନ ପକ୍ଷରୁ ୧୨ ଘଣ୍ଟିଆ ମୟୂରଭଞ୍ଜ ଜିଲା ବନ୍ଦ ଡାକରା ଦିଆଯାଇଛି। ସକାଳ ୬ଟାରୁ ସା ୬ଟା ପର୍ଯ୍ୟନ୍ତ ଏହି ବନ୍ଦ ରହିବ। ବାରିପଦା ସମେତ ରାଇରଙ୍ଗପୁର, କରଞ୍ଜିଆ, ବିଶୋଇ, ଯଶିପୁର,ବହଳଦା,ବାଙ୍ଗରିପୋଷି ସମେତ ଅନେକ ଅଞ୍ଚଳରେ ବନ୍ଦର ପ୍ରଭାବ ଦେଖିବାକୁ ମିଳିଛି । ୨୦୦୭ରେ ରାଜ୍ୟ ସରକାର ଶହେ ଜଣ ଅଲଚିକି କମ୍ୟୁନିଟି ମୋବିଲାଇଜର ଓ ୨୦୦୯ରେ ୨୦ଜଣ ମୁଣ୍ଡାରି ଆଦିବାସୀ ଭାଷା ଶିକ୍ଷକଙ୍କୁ ଚୁକ୍ତି ଭିତ୍ତିକ ନିଯୁକ୍ତି ଦିଆଯାଇଥିଲା। ଦୀର୍ଘ ୧୫ ବର୍ଷ ଧରି ନିରବଚ୍ଛିନ୍ନ ଭାବେ କାର୍ଯ୍ୟ କରିଥିବାବେଳେ ତାଙ୍କୁ ସରକାର ନିୟମିତ କରିବା ପାଇଁ ଦାବି କରାଯାଇଛି। ଆଦିବାସୀ ମୂଳମଞ୍ଚ ଓ ଜିଲା ପେସା ଗ୍ରାମସଭା ସମନ୍ବୟ କମିଟି, ମାସା ଆର୍ମି, ମାଝୀ ପାରଗାନା ମାହଲ, ମୁଣ୍ଡାରୀ ସମାଜ ସାଓ୍ବାର ଜାମଡା ଆଦି ସଙ୍ଗଠନର କର୍ମକର୍ତ୍ତାମାନେ ବନ୍ଦରେ ସାମିଲ ହୋଇଛନ୍ତି ।
