ଘସିପୁରା,୨୦ା୧(ନିରଞ୍ଜନ ସାହୁ): ଘସିପୁରା ଥାନା ବେଲବାହାଳି ଗ୍ରାମରେ ଗୋଟିଏ ପାଗଳା କୁକୁର ଆତଙ୍କ ଗ୍ରାମବାସୀଙ୍କୁ ଭୟଭୀତ କରିପକାଇଛି। କୁକୁର ଆକ୍ରମଣରେ ଶୁକ୍ରବାର ୮ ଜଣ ଆହତ ହୋଇଥିବା ବେଳେ ଶନିବାର ପୁଣି ୪ ଜଣଙ୍କୁ ପାଗଳା କୁକୁର ଆକ୍ରମଣ କରିଛି। ପାଗଳା କୁକୁରର ଆକ୍ରମଣର ଶିକାର ହୋଇଥିବା ଲୋକମାନେ ଆନନ୍ଦପୁର ମୁଖ୍ୟ ଚିକିତ୍ସାଳୟରେ ପ୍ରତିଷେଧକ ଇଞ୍ଜେକସନ୍ ନେଇଥିବା ଦେଖାଯାଇଛି। କିଛିଦିନ ପୂର୍ବରୁ କୁକୁରଟି ପାଗଳା ହୋଇ ଲୋକଙ୍କୁ ଗୋଡ଼ାଇବା ଆରମ୍ଭ କରିଥିଲା। ଗ୍ରାମରେ ଥିବା ଆଶ୍ରମ ନିକଟରେ ଲୋକମାନେ କାମ କରିବା ସମୟରେ ପାଗଳା କୁକୁରଟି ହଠାତ୍ ଆକ୍ରମଣ କରିଥିଲା। କୁକୁର ପାଇଁ ଭୟଭୀତ ଗ୍ରାମବାସୀ ଏହାର ପ୍ରତିକାର ବ୍ୟବସ୍ଥା ଗ୍ରହଣ କରିବାକୁ ପ୍ରଶାସନ ନିକଟରେ ଗୁହାରି କରିଛନ୍ତି।
