ଅହମଦାବାଦ, ୧ା୧୧: ମୋରବି ସହର ସ୍ଥିତ ମାଛୁ ନଦୀରେ ଥିବା ଝୁଲାପୋଲ ଭାଙ୍ଗିବା ଯୋଗୁ ରାଜକୋଟର ଭାଜପା ଏମ୍ପି ମୋହନ କୁନ୍ଦରିଆଙ୍କ ପରିବାରର ୧୨ ଜଣଙ୍କ ମୃତ୍ୟୁ ଘଟିଛି। ମୃତକଙ୍କ ମଧ୍ୟରେ ୫ ଶିଶୁ, ୪ ମହିଳା ଏବଂ ୩ ଜଣ ପୁରୁଷ ଅଛନ୍ତି। ରବିବାର ତାଙ୍କ ବଡ଼ଭାଇଙ୍କ ସମ୍ପର୍କୀୟମାନେ ଏହି ପର୍ଯ୍ୟଟନସ୍ଥଳୀକୁ ଯାଇଥିଲେ। ବଡ଼ ଭାଇଙ୍କ ଶଳାଙ୍କ ୪ ଝିଅଙ୍କ ସହ ୩ ଜଣଙ୍କ ସ୍ବାମୀ ରହିଥିଲେ। ସେମାନେ ନିଜ ୫ ପିଲାଙ୍କୁ ସେଠାକୁ ବୁଲାଇବାକୁ ନେଇଥିଲେ। ଏଥିପାଇଁ ଯିଏ ବି ଦାୟୀ ତାଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ନିଆଯିବା ଆବଶ୍ୟକ ବୋଲି ମୋହନ କହିଛନ୍ତି।