ଭୁବନେଶ୍ୱର,୩୦ା୧୧(ସରୋଜ ଜେନା): ନୂଆଦିଲ୍ଲୀରେ ହେବାକୁ ଥିବା ଆମ୍ବେଦକର ନ୍ୟାଶନାଲ ଗେମ୍ସରେ ଓଡ଼ିଶାରୁ ୧୨ ଜଣ ଖେଳାଳି ଅଂଶଗ୍ରହଣ କରିବେ। ଭୁବନେଶ୍ୱରର ପ୍ଲାଜମା କରାଟେ ସ୍କୁଲରୁ ବିଭିନ୍ନ ବୟସ ବର୍ଗରେ ୫ ଜଣ ବାଳିକା ଓ ୭ ଜଣ ବାଳକ ଅଂଶଗ୍ରହଣ କରିବେ। ୭-୯ ବର୍ଷ ବୟସ ବର୍ଗରେ ଦିବ୍ୟାଂଶୀ ବିଶ୍ୱଜିତ ମହାନ୍ତି, ମନଜିତ୍ ସେଠୀ ଓ ରାଜଲକ୍ଷ୍ମୀ ପଟ୍ଟନାୟକ ଅଂଶଗ୍ରହଣ କରିବେ। ୧୦-୧୪ ବର୍ଷ ବୟସ ବର୍ଗରେ ଆଶୀର୍ବାଦ ପଟ୍ଟନାୟକ, ରୁଦ୍ରପ୍ରତାପ ରାଉତ, ଆୟୁଷ୍ମାନ ପରିଡା, ବିଶ୍ୱଜିତ ପାଣି, ପ୍ରତିଜ୍ଞା ବେହେରା, ତପସ୍ୟା ସେଠୀ ଅଂଶଗ୍ରହଣ କରୁଥିବା ବେଳେ ୧୫-୧୮ ବର୍ଷ ବୟସ ବର୍ଗରେ ସୁଜୈନ୍ୟ ଇସଲାମ, ସନ୍ତୋଷ ଦାସ ଓ ଅନୁଶ୍ରୀ ଆଶ୍ରିତା ଭାଗ ନେବେ। ନଭେମ୍ବର ୩୦ରୁ ଡିସେମ୍ବର ୪ ପର୍ଯ୍ୟନ୍ତ ଦିଲ୍ଲୀର ଇନ୍ଦିରା ଗାନ୍ଧୀ ଇନ୍ଡୋର ଷ୍ଟାଡିୟମରେ ଏହି ଟୁର୍ନାମେଣ୍ଟ ଅନୁଷ୍ଠିତ ହେବ। ୧୨ ଜଣିଆ ଦଳ ସୁଧାଂଶୁ ଶେଖର ହରିଚନ୍ଦନ, ସ୍ନିଗ୍ଧାରାଣୀ ରାଉତ ଓ ଉଦୟନାଥ ରାଉତଙ୍କ ତତ୍ତ୍ୱାବଧାନରେ ଖେଳାଳିମାନେ ଏହି ଟୁର୍ନାମେଣ୍ଟରେ ଅଂଶଗ୍ରହଣ କରିବେ।
