ପଡିଆବାହାଲ,୫ା୧୨(ରାଧାମୋହନ ଷଡ଼ଙ୍ଗୀ): ସମ୍ବଲପୁର ଜିଲା ବାହାମ ପଞ୍ଚାୟତ ୫୩ ନମ୍ବର ଜାତୀୟ ରାଜପଥ ପଡିଆବାହାଲର ଏକ ପେଟ୍ରୋଲ ପମ୍ପ ନିକଟରେ ମଣ୍ଡିକୁ ନେବାପାଇଁ ରଖାଯାଇଥିବା ଧାନ ବୋଝେଇ ମିନିଟ୍ରକ ଚୋରି ହୋଇଯାଇଛି।
ମିନିଟ୍ରକ(ନଂ.ଓଆର-୧୫ସି ୯୬୨୪)ରେ ମହୁଲମୁଣ୍ଡାର ଚାଷୀ ମନୋଜ ମେହେରଙ୍କର ୧୨୦ପ୍ୟାକେଟ ଧାନ ଥିଲା। ହେଲେ ସକାଳେ ଉକ୍ତ ସ୍ଥାନରେ ଗାଡି ନ ଥିଲା। ଧାନ ସହ ଗାଡି ଚୋରି ହୋଇଥିବା ନେଇ ଚାଷୀଙ୍କ ବାପା ତଥା ମିନିଟ୍ରକ ମାଲିକ ପ୍ରଦୀପ କୁମାର ମେହେର ଏ ନେଇ ସଦର ଥାନାରେ ଅଭିଯୋଗ କରିଛନ୍ତି l
ଟ୍ରକକୁ ଠାବ କରିବା ପାଇଁ ସିସି ଟିଭି ଫୁଟେଜ ଓ ଅନ୍ୟାନ୍ୟ ସୂତ୍ର ଆଧାରରେ ପୋଲିସ ତନାଘନା ଚଳାଇଛି। କିଛିଦିନ ପୂର୍ବରୁ ଏହି ଅଞ୍ଚଳରୁ ଏକ ଟ୍ରାକ୍ଟର ବୋଝେଇ ଧାନ ଚୋରି ହୋଇଯାଇଥିଲା l ଜିପିଏସ୍ ସିଷ୍ଟମ ଥିବାରୁ ଗାଡିଟି ମିଳିଥିଲେ ସୁଦ୍ଧା ଧାନ ସବୁ ପାର ହୋଇ ଯାଇଥିଲା। ଅନୁରୂପଭାବେ ପଇଦାମାଲ ଗ୍ରାମର ଜଣେ ବ୍ୟକ୍ତିଙ୍କ ଘର ସାମନାରୁ ଏକ ବୋଲେରୋ ଚୋରି ହୋଇଥିବା ଅଭିଯୋଗ ହୋଇଛି।
