ରାୟଗଡ଼ା ଅଫିସ, ୨୮ା୬: ତିରୁପତିରେ ଫସିଥିବା ୧୨୧ ପ୍ରବାସୀ ଓଡ଼ିଆଙ୍କୁ ନେଇ ଏକ ସ୍ବତନ୍ତ୍ର ଶ୍ରମିକ ଟ୍ରେନ୍ ରବିବାର ସକାଳେ ରାୟଗଡ଼ାରେ ପହଞ୍ଚିଛି। ଏମାନେ ସମସ୍ତେ ନବରଙ୍ଗପୁର ଜିଲାର। ଲକ୍ଡାଉନ୍ ଯୋଗୁ ଏମାନେ ଫେରିପାରି ନ ଥିଲେ। ରାୟଗଡ଼ା ଜିଲା ପ୍ରଶାସନ ପକ୍ଷରୁ ଷ୍ଟେଶନରେ ପ୍ରବାସୀମାନଙ୍କ ପଞ୍ଜୀକରଣ କରାଯାଇ ସ୍ବତନ୍ତ୍ର ଗାଡ଼ି ଯୋଗେ ନବରଙ୍ଗପୁର ପଠାଯାଇଛି। ଏହି ସମୟରେ ଉପ ଜିଲାପାଳ ପ୍ରତାପ ଚନ୍ଦ୍ର ପ୍ରଧାନ, ଏବିଡିଓ ନୃସିଂହ ଚରଣ ପଟ୍ଟନାୟକଙ୍କ ସମେତ ଅନ୍ୟ ଅଧିକାରୀମାନେ ଉପସ୍ଥିତ ଥିଲେ।