ଢେଙ୍କାନାଳ,୧୪ା୮(ରତନ ନାୟାର): ସାଧ୍ୱୀନତା ଦିବସ ପାଳନ ପୂର୍ବରୁ ସୋମବାର ଢେଙ୍କାନାଳ ସହରରେ ବନ ବିଭାଗ ପକ୍ଷରୁ ଜିଲା ପୋଲିସ ବିଭାଗର ମିଳିତ ସହଯୋଗରେ ଏକ ଗଣଦୌଡ଼ ଅନୁଷ୍ଠିତ ହୋଇଛ। ସ୍ଥାନୀୟ ମିନି ଷ୍ଟାଡିୟମଠାରୁ ସକାଳ ୬ ଟାରେ ଏହି ଗଣଦୌଡ଼ ଆରମ୍ଭ ହୋଇଥିଲା। ଜିଲା ବନଖଣ୍ଡ ଅଧିକାରୀ ସୁମିତ କୁମାର କର, ଏସ୍ପି ଜ୍ଞାନ ରଞ୍ଜନ ମହାପାତ୍ର, ଅତିରିକ୍ତ ଜିଲାପାଳ ରମେଶ ଚନ୍ଦ୍ର ସେଠୀ ଓ ଅତିରିକ୍ତ ଏସ୍ପି ସୂର୍ଯ୍ୟମଣି ପ୍ରଧାନ ପତକା ଦେଖାଇ ଗଣଦୌଡ଼ର ଶୁଭାରମ୍ଭ କରିଥିଲେ। ସହର ମଧ୍ୟରେ ପ୍ରାୟ ୫ କିଲୋମିଟର ଧରି ଅନୁଷ୍ଠିତ ଏହି ଗଣଦୌଡ଼ରେ ୧୨୭ ଜଣ ପ୍ରତିଯୋଗୀ ଭାଗ ନେଇଥିଲେ। ତନ୍ମଧ୍ୟରେ ୯୭ ଜଣ ସଂପୂର୍ଣ୍ଣ ଭାବେ ଦୌଡ଼ ପୂରା କରିଥିଲେ। ସେଥି ମଧ୍ୟରୁ ସଫଳତା ହାସଲ କରିଥିବା ପ୍ରଥମରୁ ୮ ପର୍ଯ୍ୟନ୍ତ ଯୁବତୀ/ଯୁବକଙ୍କୁ ମଙ୍ଗଳବାର ମୁଖ୍ୟ ଷ୍ଟାଡିୟମଠାରେ ଅନୁଷ୍ଠିତ ହେବାକୁ ଥିବା ୭୭ତମ ଜିଲାସ୍ତରୀୟ ପରେଡ ଉତ୍ସବରେ ପୁରସ୍କୃତ କରାଯିବ। ପ୍ରାରମ୍ଭରେ ମିନି ଷ୍ଟାଡିୟମର ମୁଖ୍ୟ ଫାଟକ ତାଲା ଖୋଲିବାରେ ଅହେତୁକ ବିଳମ୍ବ ଯୋଗୁ କ୍ରୀଡ଼ାବିତ ଓ ଅତିଥିମାନଙ୍କ ମଧ୍ୟରେ ଅସନ୍ତୋଷ ବୃଦ୍ଧି ପାଇଥିଲା। ଏନେଇ ଅନୁଧ୍ୟାନ କରାଯାଇ ଜିଲାପାଳଙ୍କ ସହ ଆଲୋଚନା କରାଯିବ ବୋଲି ଅତିରିକ୍ତ ଜିଲାପାଳ କହିଛନ୍ତି।
