ବରଗଡ଼ ଅଫିସ,୨୨।୯: ବରଗଡ଼ ଜିଲାରେ କରୋନା ଆକ୍ରାନ୍ତଙ୍କ ସଂଖ୍ୟା ବଢିବାରେ ଲାଗିଛି। ମଙ୍ଗଳବାର ଜିଲାରେ ପୁଣି ୧୨୮ଜଣ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେମାନଙ୍କ ମଧ୍ୟରେ ବରଗଡ଼ ବ୍ଲକର ୨୬, ବରଗଡ ପୌରାଞ୍ଚଳର ୩୬, ଅତାବିରା ବ୍ଲକର ୪, ଭେଡେନ ବ୍ଲକର ୭, ବିଜେପୁର ବ୍ଲକର ୪, ବରପାଲି ବ୍ଲକର ୧୧,ବରପାଲି ଏନ୍ଏସି୍ର ୩, ଭଟଲି ବ୍ଲକର ୫ଜଣ, ଅମ୍ବାଭୋନା ବ୍ଲକର ୪, ପଦ୍ମପୁର ବ୍ଲକର ୬, ଅତାବିରା ଏନ୍ଏସିର ୨, ପଦ୍ମପୁର ଏନ୍ଏସିର ୨, ସୋହେଲା ବ୍ଲକର ୮, ଝାରବନ୍ଧ ବ୍ଲକର ୨, ଗାଇସିଲେଟ ବ୍ଲକର ୨ ଏବଂ ଏଠାରେ ଚିକିତ୍ସାଧିନ ରହିଥିବା ଅନ୍ୟ ଜିଲାର ୫ଜଣ ଆକ୍ରାନ୍ତ ରହିଛନ୍ତି। ଏହାକୁ ମିଶାଇ ଜିଲାରେ ଆକ୍ରାନ୍ତଙ୍କ ସଂଖ୍ୟା ୫୪୬୫ରେ ପହଞ୍ଚିଛି। ସେମାନଙ୍କ ମଧ୍ୟରୁ ୧୨ଜଣଙ୍କର ମୃତ୍ୟୁ ହୋଇଥିବା ବେଳେ ୪୨୫୪ ଜଣ ସୁସ୍ଥ ହୋଇଛନ୍ତି ଏବଂ ଅନ୍ୟ ୧୧୯୯ ଜଣ ବିଭିନ୍ନ କୋଭିଡ ହସ୍ପିଟାଲ ଏବଂ ହୋମ ଆଇସୋଲେଶନରେ ରହି ଚିକିତ୍ସାଧିନ ଅଛନ୍ତି ବୋଲି ଜିଲା ସୂଚନା ଓ ଲୋକସମ୍ପର୍କ ଅଧିକାରୀ କଲ୍ୟାଣୀ ଦାଶ ସୂଚନା ଦେଇଛନ୍ତି। ସେହିପରି କାର୍ଯ୍ୟରତ କର୍ମଚାରୀ କରୋନା ପଜିଟିଭ୍ ଚିହ୍ନଟ ହେବା ପରେ ଆସନ୍ତା ୨୩ ତାରିଖ ପର୍ଯ୍ୟନ୍ତ ବରଗଡ଼ ଇଣ୍ଡିଆନ ବ୍ୟାଙ୍କକୁ ଶଟ୍ଡାଉନ ଘୋଷଣା କରାଯାଇଛି ବୋଲି ସୂଚନା ଦିଆଯାଇଛି । ଏହା ସହିତ ବର୍ତ୍ତମାନ ସୁଦ୍ଧା ଜିଲାର ୫୩ହଜାର ୫୪୪ ଜଣଙ୍କର କୋଭିଡ ଟେଷ୍ଟ ହୋଇ ସାରିଛି ବୋଲି ଜିଲା ସୂଚନା ଓ ଲୋକସମ୍ପର୍କ ଅଧିକାରୀ ଦାଶ ସୂଚନା ଦେଇଛନ୍ତି।