କେନ୍ଦୁଝର,୨୨ା୧୦ (ସ୍ବ.ପ୍ର.): କେନ୍ଦୁଝର ଜିଲାରେ ହାତୀ ଉପଦ୍ରବ ଲାଗି ରହିଥିବା ବେଳେ ଶୁକ୍ରବାର କେନ୍ଦୁଝର ଡିଭିଜନର ବିଭିନ୍ନ ଜଙ୍ଗଲରେ ୧୩୬ ହାତୀପଲ ହୋଇ ବୁଲୁଛନ୍ତି। ଭୂୟଁା ଓ ଜୁଆଙ୍ଗ ପିଢ଼ ରେଞ୍ଜରେ ସର୍ବାଧିକ ୪୬ ହାତୀ ଥିବା ବେଳେ କେନ୍ଦୁଝର ସଦର ରେଞ୍ଜରେ ୩୩ ହାତୀ ବୁଲୁଛନ୍ତି। ସେହିପରୀ ଚମ୍ପୁଆ ରେଞ୍ଜରେ ୧୯, ତେଲକୋଇରେ ୧୬, ଘଟଗାଁରେ ୧୨ ହାତୀ ଥିବା ବନ ବିଭାଗ ପକ୍ଷରୁ ସୂଚନା ଦିଆଯାଇଛି। ଏହା ମଧ୍ୟରୁ ବଡ଼ବିଲ ରେଞ୍ଜରେ ଥିବା ୧୦ ହାତୀ ବଣେଇ ଡିଭିଜନରୁ ଆସିଥିବା ଜଣାପଡ଼ିଛି। ଡିିଏଫ୍ଓ ଏଚ୍ଡି ଧନରାଜ କହିଛନ୍ତି ଯେ, ବିଭାଗ ପକ୍ଷରୁ ହାତୀ ଉପଦ୍ରବ ରୋକିବା ପାଇଁ ବ୍ୟାପକ ପଦକ୍ଷେପ ଗ୍ରହଣ କରାଯାଉଛି। କ୍ଷୟକ୍ଷତିର ଆକଳନ କରି କ୍ଷତିଗ୍ରସ୍ତଙ୍କୁ କ୍ଷତି ପୂରଣ ଦିଆଯାଉଛି। ଏହା ସହିତ ଲୋକଙ୍କୁ ସଚେତନ ହେବାକୁ ସେ କହିଛନ୍ତି।