ଜାନୁଆରୀ ସୁଦ୍ଧା ୧୪.୭୦ ଟ୍ରିଲିୟନ ଟିକସ ଆଦାୟ, ପ୍ରତ୍ୟକ୍ଷ ଟିକସ ଆୟରେ ୧୯% ବୃଦ୍ଧି

ନୂଆଦିଲ୍ଲୀ,୧୨।୧: କ୍ରମାଗତ ଭାବେ ଦେଶର ପ୍ରତ୍ୟକ୍ଷ ଟିକସ ସଂଗ୍ରହ ଆୟରେ ଅଭିବୃଦ୍ଧି ଘଟୁଛି। ଏପରିକି ଚଳିତ ଆର୍ଥିକ ବର୍ଷର ଜାନୁଆରୀ ୧୦ ସୁଦ୍ଧା ଆଦାୟ ହୋଇଥିବା ଟିକସ ପରିମାଣ ୧୪.୭୦ ଟ୍ରିଲିୟନରେ ପହଞ୍ଚତ୍ଛି। ୨୦୨୨-୨୩ ଆର୍ଥିକ ବର୍ଷର ସମାନ ଅବଧି ମଧ୍ୟରେ ସଂଗୃହୀତ ଟିକସ ପରିମାଣ ତୁଳନାରେ ଚଳିତ ଆର୍ଥିକ ବର୍ଷର ଟିକସ ପରିମାଣ ମୋଟ ୧୯.୪୧ % ବୃଦ୍ଧି ପାଇଛି ବୋଲି ସେଣ୍ଟ୍ରାଲ ବୋର୍ଡ ଅଫ୍‌ ଡାଇରେକ୍ଟ ଟ୍ୟାକ୍ସସେ (ସିବିଡିଟି) ପକ୍ଷରୁ ଗୁରୁବାର ଏ ନେଇ ବିସ୍ତୃତ ସୂଚନା ଦିଆଯାଇଛି।

ଅପରପକ୍ଷରେ ଚଳିତ ଆର୍ଥିକ ବର୍ଷ ୨୦୨୩-୨୪ରେ ସରକାର ପ୍ରତ୍ୟକ୍ଷ ଟିକସରୁ ୧୮.୨୩ ଲକ୍ଷ କୋଟି ଟଙ୍କା ପାଇବାକୁ ଲକ୍ଷ୍ୟ ଧାର୍ଯ୍ୟ କରିଛନ୍ତି। ଏପରିକି ୨୦୨୨-୨୩ ଆର୍ଥିକ ବର୍ଷରେ ସରକାର ୧୬.୬୧ ଲକ୍ଷ କୋଟି ଟଙ୍କା ପାଇଥିଲେ। ପୂର୍ବ ଆର୍ଥିକ ବର୍ଷ ତୁଳନାରେ ଚଳିତ ଆର୍ଥିକ ବର୍ଷର ଆକଳନ ୯.୭୫% ଅଧିକ ବୋଲି କୁହାଯାଉଛି। ଉଲ୍ଲେଖଯୋଗ୍ୟ, ୨୦୨୪ ଫେବୃଆରୀରେ କେନ୍ଦ୍ର ସରକାରଙ୍କର ଅନ୍ତରୀଣ ବଜେଟ ଉପସ୍ଥାପନ ପୂର୍ବରୁ ସରକାରଙ୍କୁ ଏହି ସଫଳତା ମିଳିଛି। ସାମଗ୍ରିକ ଭାବେ ଚଳିତ ଆର୍ଥିକ ବର୍ଷ ସରକାରୀ ରାଜକୋଷକୁ ଟିକସ ସଂଗ୍ରହ ଆୟ କ୍ରମାଗତ ଭାବେ ବୃଦ୍ଧି ପାଉଛି।