ଢେଙ୍କାନାଳ ଅଫିସ୍, ୯।୧: ଆପତ୍ତି ଅଭିଯୋଗ ଶୁଣାଣି ପରେ ଢେଙ୍କାନାଳ ଜିଲା ଜିଲା ପରିଷଦ ଆସନ ପାଇଁ ପ୍ରକାଶ ପାଇଛି ଚୂଡ଼ାନ୍ତ ସଂରକ୍ଷଣ ତାଲିକା। ଅଧ୍ୟକ୍ଷ ପଦବୀ ମହିଳା ବର୍ଗ ଲାଗି ସଂରକ୍ଷିତ ରଖାଯାଇଛି। ଜିଲାର ମୋଟ ୨୭ ଆସନ ମଧ୍ୟରୁ ଅନୁସୂଚିତ ଜାତି ପାଇଁ ୫, ଅନୁସୂଚିତ ଜନଜାତି ପାଇଁ ୪ ଏବଂ ଅନ୍ୟ ୧୮ ଆସନ ଅଣସଂରକ୍ଷିତ ରଖାଯାଇଛି। କେବଳ ମହିଳା ବର୍ଗଙ୍କ କଥା ଦେଖିଲେ ମୋଟ ୧୪ ଆସନ (୩ ଅନୁସୂଚିତ ଜାତି, ୨ ଅନୁସୂଚିତ ଜନଜାତି ଏବଂ ୯ ଆସନ ଅଣସଂରକ୍ଷିତ) ସଂରକ୍ଷିତ ରହିଛି।
ଓଡ଼ାପଡ଼ା ୧ନଂ. ଜୋନ୍ ଅନୁସୂଚିତ ଜାତି ମହିଳା, ୨ ଏବଂ ୩ନଂ. ଜୋନ୍ ଅଣ ସଂରକ୍ଷିତ ରହିଛି। କଙ୍କଡ଼ାହାଡ଼ ୧ନଂ. ଜୋନ୍ ଅଣସଂରକ୍ଷିତ, ୨ନଂ. ଜୋନ୍ ଅନୁସୂଚିତ ଜନଜାତି ମହିଳା ଏବଂ ୩ନଂ. ଜୋନ୍ ଅନୁସୂଚିତ ଜନଜାତିଙ୍କ ଲାଗି ସଂରକ୍ଷଣ ରହିଛି। କାମାକ୍ଷାନଗର ୧ନଂ. ଜୋନ୍ ମହିଳା, ୨ନଂ. ଜୋନ୍ ଅଣସଂରକ୍ଷିତ, ୩ନଂ. ଜୋନ୍ ଅନୁସୂଚିତ ଜାତି ମହିଳା ବର୍ଗ ଲାଗି ନିର୍ଦ୍ଧାରିତ କରାଯାଇଛି। ସେହିପରି ଗଁଦିଆ ବ୍ଲକ ୧ନଂ. ଜୋନ୍ ଅଣସଂରକ୍ଷିତ, ୨ନଂ. ଜୋନ୍ ଅନୁସୂଚିତ ଜନଜାତି ମହିଳା, ୩ନଂ. ଜୋନ୍ ମହିଳା, ୪ନଂ.ଜୋନ୍ ଅନୁସୂଚିତ ଜନଜାତି ବର୍ଗ ପ୍ରାର୍ଥୀଙ୍କ ପାଇଁ ସଂରକ୍ଷିତ ରହିଛି। ଢେଙ୍କାନାଳ ସଦର ୧ନଂ. ଜୋନ୍ ମହିଳା, ୨ନଂ. ଜୋନ୍ ମହିଳା, ୩ନଂ. ଜୋନ୍ ଅଣସଂରକ୍ଷିତ, ୪ନଂ. ଜୋନ୍ ମହିଳା, ପରଜଙ୍ଗ ବ୍ଲକ ୧ନଂ. ଜୋନ୍ ମହିଳା, ୨ନଂ. ଜୋନ୍ ଅଣସଂରକ୍ଷିତ, ୩ନଂ. ଜୋନ୍ ମହିଳା, ଭୁବନ ବ୍ଲକ ୧ନଂ. ଜୋନ୍ ମହିଳା, ୨ନଂ. ଜୋନ୍ ଅଣସଂରକ୍ଷିତ, ୩ନଂ. ଜୋନ୍ ଅନୁସୂଚିତ ଜାତି, ହିନ୍ଦୋଳ ବ୍ଲକ ୧ନଂ. ଜୋନ୍ ମହିଳା, ୨ନଂ. ଜୋନ୍ ଅଣସଂରକ୍ଷିତ, ୩ନଂ.ଜୋନ୍ ଅନୁସୂଚିତ ଜାତି ମହିଳା ଏବଂ ୪ନଂ. ଜୋନ୍ ଅନୁସୂଚିତ ଜାତି ପ୍ରାର୍ଥୀଙ୍କ ପାଇଁ ସଂରକ୍ଷିତ ରଖାଯାଇଥିବା ଜିଲା ପଞ୍ଚାୟତ କାର୍ଯ୍ୟାଳୟ ପକ୍ଷରୁ ସୂଚନା ଦିଆଯାଇଛି।
ଢେଙ୍କାନାଳ ଜିଲା ପରିଷଦ ନିର୍ବାଚନ ଇତିହାସରେ ୧୯୯୭ରୁ ଅଦ୍ୟାବଧି ୪ ଜଣ ମହିଳା ଅଧ୍ୟକ୍ଷା ପଦବୀ ଅକ୍ତିଆର କରିଛନ୍ତି। ୨୦୦୭ରୁ ମହିଳାଙ୍କ ପାଇଁ ଅଧ୍ୟକ୍ଷ ପଦବୀ ସଂରକ୍ଷିତ ରଖିଛି।
୩ ସମିତି ଅଧ୍ୟକ୍ଷ ଅଣସଂରକ୍ଷିତ
ଢେଙ୍କାନାଳ ଜିଲାର ୮ ପଞ୍ଚାୟତ ସମିତି ଅଧ୍ୟକ୍ଷ ପଦବୀ ପାଇଁ ଚୂଡ଼ାନ୍ତ ସଂରକ୍ଷଣ ତାଲିକା ପ୍ରକାଶ ପାଇଛି। କଙ୍କଡ଼ାହାଡ଼ା, ପରଜଙ୍ଗ, ଭୁବନ ବ୍ଲକ ଅଧ୍ୟକ୍ଷ ପଦବୀ ମହିଳା ବର୍ଗ ଏବଂ ହିନ୍ଦୋଳ ପଞ୍ଚାୟତ ସମିତି ଅଧ୍ୟକ୍ଷ ଅନୁସୂଚିତ ଜାତି ମହିଳାଙ୍କ ପାଇଁ ସଂରକ୍ଷିତ ରହିଛି। ସେହିପରି ଢେଙ୍କାନାଳ ସଦର, ଓଡ଼ାପଡ଼ା, କାମାକ୍ଷାନଗର ବ୍ଲକ ଅଧ୍ୟକ୍ଷ ପଦବୀ ଅଣସଂରକ୍ଷିତ ରହିଥିବାବେଳେ ଗଁଦିଆ ପଞ୍ଚାୟତ ସମିତି ଅଧ୍ୟକ୍ଷ ପଦବୀ ଅନୁସୂଚିତ ଜାତି ବର୍ଗ ଲାଗି ସଂରକ୍ଷିତ ରଖାଯାଇଛି।
ସରପଞ୍ଚ ପଦବୀରେ ୫୦% ମହିଳା
ଢେଙ୍କାନାଳ ଜିଲାର ୨୧୨ ପଞ୍ଚାୟତର ସରପଞ୍ଚ ପଦବୀ ଲାଗି ପ୍ରକାଶ ପାଇଛି ଚୂଡ଼ାନ୍ତ ସଂରକ୍ଷଣ ତାଲିକା। ସଦର ବ୍ଲକର ୩୦ ପଞ୍ଚାୟତ ମଧ୍ୟରୁ ୧୫ଟ ବିଭିନ୍ନ ବର୍ଗର ମହିଳାଙ୍କ ପାଇଁ ସଂରକ୍ଷିତ ରହିଛି। କାଇମାଟି, ଚନ୍ଦ୍ରଶେଖରପ୍ରସାଦ ଚାଉଳିଆ, କାଙ୍କଡ଼ପାଳ, ଧୀରପାଟଣା, ନଡିଆଳୀ, ନାଗିଆପଶି, ବେଲଟିକିରି, ମାଣିପୁର, ଭାଲିଆବୋଲକାଟେଣୀ, ସପ୍ତଶଯ୍ୟା ଏବଂ ଶଙ୍କରପୁର ଅଣସଂରକ୍ଷିତ ରହିଛି।
କଙ୍କଡ଼ାହାଡ଼, ବଳଦିଆବନ୍ଧ, ବଣସିଂହ, ଭାପୁର ଅନୁସୂଚିତ ଜାତି ମହିଳା ବର୍ଗଙ୍କ ଲାଗି ଉଦ୍ଦିଷ୍ଟ ରହିଛି। ଗେଙ୍ଗୁଟିଆ, ଗୋବିନ୍ଦପୁର, ସୋଗରପଶି ଅନୁସୂଚିତ ଜାତି ବର୍ଗ ପ୍ରାର୍ଥୀଙ୍କ ପାଇଁ ସଂରକ୍ଷିତ ରଖାଯାଇଛି। ସେହିପରି କାକୁଡ଼ିଭାଗ, ତରଭା, ତାଳବରକୋଟ, ନୂଆଗଁା, ବାରଦା, ବାଲ୍ୟାମ୍ବା, ମଙ୍ଗଳପୁର, ମଧୁସାହୁପାଟଣା, ରାଧାଦେଈପୁର, ଶୁଆଖାଇକାଟେଣୀ, ସାଙ୍କୁଲେଇ ମହିଳାଙ୍କ ପାଇଁ ସଂରକ୍ଷିତ ରଖାଯାଇଛି।