ଯାଜପୁର ଅଫିସ,୨୮।୩: ଯାଜପୁର ଜିଲା ପ୍ରସିଦ୍ଧ ବାରୁଣୀ ସ୍ନାନ ଉପରେ ୧୪୪ ଧାରା ଲାଗୁ କରାଯାଇଛି। ଆସନ୍ତା ୩୦ ତାରିଖ ବାରୁଣୀ ବୁଡ଼ ସ୍ନାନ ଯୋଗ ଥିବା ବେଳେ ଜିଲା ପ୍ରଶାସନ ବୈତରଣୀ ନଦୀର ଦଶାଶ୍ବମେଧ ଘାଟ ନିକଟରେ ୧୪୪ ଧାରା ଜାରି କରିଛନ୍ତି। ୨୯ ଓ ୩୦ ତାରିଖ ଦୁଇ ଦିନ ପାଇଁ ୧୪୪ ଧାରା ଜାରି କରାଯାଇଛି।
ତେବେ କରୋନା କଟକଣା ପାଇଁ ୨ ବର୍ଷ ହେଲା ବାରୁଣୀ ବୁଡ ବନ୍ଦ ରହିଥିଲା ବେଳେ ଚଳିତବର୍ଷ ଶ୍ରଦ୍ଧାଳୁ ବୁଡ ପକାଇବାକୁ ଆଶା ରଖିଥିଲେ। ହେଲେ ନିକଟରେ ଏକ ବ୍ୟାରେଜ ନିର୍ମାଣ ହେଉଥିବାରୁ ଶ୍ରଦ୍ଧାଳୁଙ୍କ ସୁରକ୍ଷାକୁ ଦୃଷ୍ଟିରେ ରଖି ପ୍ରଶାସନ ଏଭଳି ନିଷ୍ପତ୍ତି ନେଇଛି।