କୋକସରା,୨୪।୫(ଡି.ଏନ୍.ଏ.): କଳାହାଣ୍ଡି ଜିଲା କୋକସରା ବ୍ଲକ ଆମପାଣି ଥାନା ପୋଲିସ ପକ୍ଷରୁ ଧୋବେନଚଞ୍ଚରା ଗ୍ରାମରେ ଚଢାଉ କରି ୧୫ ଲିଟର ହାତରନ୍ଧା ମଦ ସହ ଦେଶୀ ବନ୍ଧୁକ ଜବତ କରାଯାଇଛି। ଘଟଣାରେ ଜଣଙ୍କୁ ଗିରଫ କରି ମଙ୍ଗଳବାର କୋର୍ଟ ଚାଲାଣ କରାଯାଇଥିବା ଆମପାଣି ପୋଲିସ ପକ୍ଷରୁ ସୂଚନା ମିଳିଛି ।
ସୂଚନା ଅନୁସାରେ, ଧୋବେଚଞ୍ଚରା ଗ୍ରାମରେ ସୋମବାର ଆମପାଣି ଥାନା ଅଧିକାରୀ ଚତୁର୍ଭୁଜ ନାଏକଙ୍କ ନିର୍ଦ୍ଦେଶ କ୍ରମେ ଏକ ଟିମ ଅତର୍କିତ ଚଡାଉ କରିଥିଲା । ଚଢାଉରେ ଧୋବେଚଞ୍ଚରା ଗ୍ରାମର ପଦୁ ଚଲାନଙ୍କ ବଗିଚାରୁ ୧୫ ଲିଟର ହାତରନ୍ଧା ମଦ ସହ ଏକ ଦେଶୀ ବନ୍ଧୁକ ଜବତ କରାଯାଇଥିଲା। ପଦୁଙ୍କୁ ଆମପାଣି ପୋଲିସ ଥାନାରେ ଅଟକ ରଖି ପଚରାଉଚରା କରିବା ପରେ ମଙ୍ଗଳବାର ତାଙ୍କୁ କୋର୍ଟ ଚାଲାଣ କରାଯାଇଛି । ଏହି ଚଢାଉରେ ଆମପାଣି ଥାନା ଏଏସ୍ଆଇ ମନୋଜ କୁମାର ନାଏକ, ଜିତେନ୍ଦ୍ର କୁମାର, କନେଷ୍ଟବଳ ଜିତେନ୍ଦ୍ର ପ୍ରଧାନ, ମୋହନ ପାତ୍ର ସମେତ ଆଇଆର୍ବି ଯବାନ ସାମିଲ ଥିଲେ ।