ନୂଆଦିଲ୍ଲୀ/ଢାକା,୧ା୧୦: ଭାରତ ଏବଂ ବାଂଲାଦେଶ ମଧ୍ୟରେ ୧୫ତମ ଜେଡବ୍ଲ୍ୟୁଜି ବୈଠକ ବନ୍ଦର ପ୍ରତିବନ୍ଧକକୁ ହଟାଇବା, ବିସ୍ତୃତ ଅର୍ଥନୈତିକ ଭାଗିଦାରୀ ଚୁକ୍ତିନାମା (ସିଇପିଏ)ର ଶୁଭାରମ୍ଭ, ମାନାଙ୍କ ପାରସ୍ପରିକ ସ୍ବୀକୃତି, ବାଂଲାଦେଶକୁ ଅତ୍ୟାବଶ୍ୟକ ସାମଗ୍ରୀ ଯୋଗାଣ, ସଡ଼କ ଏବଂ ରେଳ ଭିତ୍ତିଭୂମି ବିକାଶ ତଥା ଅନ୍ୟାନ୍ୟ ପ୍ରସଙ୍ଗ ଉପରେ ମୂଳଦୁଆ ପଡ଼ିଛି। ଦ୍ୱିପାକ୍ଷିକ ପ୍ରସଙ୍ଗ ଉପରେ ଏହି ଦୁଇ ଦେଶ ମଧ୍ୟରେ ଆଲୋଚନା ହୋଇଛି।
ଦ୍ୱିପାକ୍ଷିକ ବୈଠକ ଉଭୟ ଦେଶ ସହିତ ସଫଳତାର ସହ ସମାପ୍ତ ହୋଇଛି ଏବଂ ଗଭୀର ଅର୍ଥନୈତିକ ଯୋଗଦାନ, ଆଞ୍ଚଳିକ ସହଯୋଗ ଏବଂ ନିରନ୍ତର ବିକାଶ ଦିଗରେ ସେମାନଙ୍କର ପ୍ରତିବଦ୍ଧତାକୁ ପ୍ରମାଣିତ କରିଛି। ଭବିଷ୍ୟତରେ ବାଣଜି୍ୟକ ସମ୍ପର୍କ ଏବଂ ପାରସ୍ପରିକ ସମୃଦ୍ଧତା ପାଇଁ ବହୁତ ସମ୍ଭାବନା ଅଛି ବୋଲି ଉଭୟ ପକ୍ଷ ଦୋହରାଇଛନ୍ତି।