ଭୁବନେଶ୍ୱର, ୧୩।୮ (କ୍ରୀଡ଼ା ପ୍ରତିନିଧି): ଭାରତୀୟ ଜୀବନବୀମା ନିଗମ (ଏଲ୍ଆଇସି)ର ପୂର୍ବ ମଧ୍ୟ କ୍ଷେତ୍ରୀୟ କାର୍ଯ୍ୟାଳୟ ପକ୍ଷରୁ କ୍ୟାରମ୍ ଏବଂ ଚେସ୍ (ମହିଳା ଓ ପୁରୁଷ) ଖେଳ ପାଇଁ ଚୟନ ପ୍ରତିଯୋଗିତା ଶେଷ ହୋଇଛି। ଏଥିରୁ ପ୍ରଦର୍ଶନଭିତ୍ତିରେ ଭୋପାଳରେ ଆସନ୍ତା ନଭେମ୍ବରରେ ହେବାକୁଥିବା ସର୍ବଭାରତୀୟ ଏଲ୍ଆଇସି କ୍ରୀଡ଼ା ପାଇଁ ୧୬ ଖେଳାଳି ମନୋନୀତ ହୋଇଛନ୍ତି। ମହିଳା ଗ୍ରାଣ୍ଡମାଷ୍ଟର (ଡବ୍ଲ୍ୟୁଜିଏମ୍) କିରଣ ମନୀଷା ମହାନ୍ତି ଜୋନାଲ ଚାମ୍ପିୟନ ହୋଇଛନ୍ତି। କ୍ୟାରମର ମହିଳା ବିଭାଗରେ ସର୍ବଭାରତୀୟ ଯୋଗ୍ୟତା ପାଇଥିବା ପ୍ରତିଯୋଗୀମାନେ ହେଲେ ଦୀପିକା ସିହ୍ନା (ପାଟନା-୧ ଡିଭିଜନ), ଡି.ଆର. ଆଧ୍ୟା (ଭୁବନେଶ୍ୱର), ପୁନମ କୁମାରୀ (ଭାଗଲପୁର) ଓ ଏସ.ଟି. ମିଞ୍ଜ୍ (ଜାମସେଦପୁର)। ସେହିପରି ପୁରୁଷ ବିଭାଗରେ ଜେ.କେ. ସିହ୍ନା (ପାଟନା-୧), ଏସ.କେ. ସିହ୍ନା (ମୁଜାଫରପୁର), ଆର.ଏସ. ସାହୁ (ସମ୍ବଲପୁର) ଓ ସନ୍ତୋଷ କୁମାର ବେହେରା (ବ୍ରହ୍ମପୁର) ଯୋଗ୍ୟତା ହାସଲ କରିଛନ୍ତି। ଚେସ୍ର ମହିଳା ବିଭାଗରେ କିରଣ ମୀନଷା ମହାନ୍ତି (ଭୁବନେଶ୍ୱର), ମନୀଷା ତ୍ରିବେଦୀ (ପାଟନା-୧), ଏ.ଆର. ଟୁଡୁ (ହଜାରିବାଗ), ଅନୁଜ ପ୍ରଭା ବେହେରା (କଟକ) ଏବଂ ପୁରୁଷରେ ଆଶୁତୋଷ ମହାପାତ୍ର (ଭୁବନେଶ୍ୱର), ବିଧୁ ଭୂଷଣ ମିଶ୍ର (ସମ୍ବଲପୁର), ହିମାଂଶୁ ଚକ୍ରବର୍ତ୍ତୀ (ଜାମସେଦପୁର) ଓ ଅମରେଶ କୁମାର (ମୁଜାଫରପୁର ଡିଭିଜନ) ସର୍ବଭାରତୀୟ ପ୍ରତିଯୋଗିତା ପାଇଁ ଯୋଗ୍ୟତା ହାସଲ କରିଛନ୍ତି।
