କାନବେରା,୨୦ା୮: ଆଫଗାନିସ୍ତାନକୁ ତାଲିବାନ କବ୍ଜା ପରଠାରୁ ଅନ୍ୟ ଦେଶଗୁଡ଼ିକ ସେମାନଙ୍କର ନାଗରିକ ଏବଂ ଦୂତାବାସର ଅଧିକାରୀମାନଙ୍କୁ ସେଠାରୁ ସ୍ଥାନାନ୍ତର କରିବା ଆରମ୍ଭ କରି ଦେଇଛନ୍ତି। ତୃତୀୟ ଥଇଥାନ ବିମାନ ପରେ ଅଷ୍ଟ୍ରେଲିଆ ଏବଂ ଆଫଗାନିସ୍ତାନର ୧୬୦ରୁ ଅଧିକ ନାଗରିକଙ୍କୁ କାବୁଲରୁ ସ୍ଥାନାନ୍ତର କରାଯାଇଛି। ଏନେଇ ଶୁକ୍ରବାର ଅଷ୍ଟ୍ରେଲୀୟ ପ୍ରଧାନମନ୍ତ୍ରୀ ସ୍କଟ ମାରିସନ ସୂଚନା ପ୍ରଦାନ କରିଛନ୍ତି।
ମାରିସନ କହିଛନ୍ତି, ଆଫଗାନିସ୍ତାନରେ ୨୦ ବର୍ଷ ଯୁଦ୍ଧ ସମୟରେ ଅଷ୍ଟ୍ରେଲିଆକୁ ସାହାଯ୍ୟ କରିଥିବା ଆଫଗାନିସ୍ତାନ ଏବଂ ଅଷ୍ଟ୍ରେଲୀୟ ନାଗରିକଙ୍କ ସମେତ ୬୦ଜଣଙ୍କୁ ରାତିରେ ସଂଯୁକ୍ତ ଆରବ ଏମିରେଟ୍ସକୁ ବିମାନ ଉଡ଼ାଣ କରାଯାଇଥିଲା। ସେ କହିଛନ୍ତି, ପ୍ରଥମ ବିମାନ ଦ୍ୱାରା ଶୁକ୍ରବାର ୯୪ ଜଣଙ୍କୁ ପଶ୍ଚିମ ଉପକୂଳବର୍ତ୍ତୀ ପର୍ଥ ସହରକୁ ପଠାଯାଇଛି। ମାରିସନଙ୍କ ଅନୁଯାୟୀ, ଅଷ୍ଟ୍ରେଲିଆ କାବୁଲ ବିମାନବନ୍ଦର ବ୍ୟତୀତ ଆଫଗାନିସ୍ତାନର ଅନ୍ୟ ଅଞ୍ଚଳରୁ ଲୋକଙ୍କୁ ସ୍ଥାନାନ୍ତର କରିପାରିବ ନାହିଁ। ୬୦୦ ଅଷ୍ଟ୍ରେଲୀୟ ଏବଂ ଆଫଗାନିସ୍ତାନରୁ ବାହାରିବା ଖବର ଉପରେ ଅଷ୍ଟ୍ରେଲିଆ ସରକାର କୌଣସି ମନ୍ତବ୍ୟ ଦେଇନାହାନ୍ତି।