ଲକ୍ଷ୍ନୌ,୨୮ା୧୨: ବନ୍ଦେ ଭାରତ ଏକ୍ସପ୍ରେସ୍ ଧକ୍କାରେ ବାରମ୍ବାର ଜୀବଜନ୍ତୁଙ୍କ ଜୀବନ ଯାଉଥିବା ଅଭିଯୋଗ ହେଉଥିବାବେଳେ ବୁଧବାର ଭାରତର ନିୟନ୍ତ୍ରକ ଓ ମହାଲେଖା ପରୀକ୍ଷକ (ସିଏଜି) ଏ ସମ୍ପର୍କିତ ରିପୋର୍ଟ ପ୍ରଦାନ କରିଛନ୍ତି। ଭାରତୀୟ ରେଳପଥ ଦ୍ୱାରା ପରିଚାଳିତ ଟ୍ରେନ୍ଗୁଡ଼ିକର ଧକ୍କାରେ ସାରା ଦେଶରେ ବର୍ଷକୁ ହାରାହାରି ୧୬,୦୦୦ ପ୍ରାଣୀଙ୍କ ମୃତ୍ୟୁ ଘଟୁଛି। ୨୦୧୭ରୁ ୨୦୨୧ ଆର୍ଥିକବର୍ଷ ମଧ୍ୟରେ ୬୩,୩୪୫ ଜନ୍ତୁଙ୍କ ମୃତ୍ୟୁ ଘଟିଥିବା ରେଲଓ୍ବେ ପକ୍ଷରୁ ରେକର୍ଡ କରାଯାଇଛି ବୋଲି ସିଏଜି ନିଜ ରିପୋର୍ଟରେ ଉଲ୍ଲେଖ କରିଛନ୍ତି। ଏଥିରୁ ସର୍ବାଧିକ ଜନ୍ତୁଙ୍କ ମୃତ୍ୟୁ ଉତ୍ତର ପ୍ରଦେଶରେ ଘଟୁଛି। ଦେଶର ସର୍ବାଧିକ ଜନସଂଖ୍ୟା ବିଶିଷ୍ଟ ରାଜ୍ୟ ୟୁପିରେ ୪ଟି ରେଲଓ୍ବେ ଜୋନ୍ ରହିଛି। ସେଗୁଡ଼ିକ ହେଲା ନର୍ଦ୍ଦର୍ନ ସେଣ୍ଟ୍ରାଲ ରେଲଓ୍ବେ(ଏନ୍ସିଆର୍), ନର୍ଦ୍ଦର୍ନ ରେଲଓ୍ବେ (ଏନ୍ଆର୍), ନର୍ଦ୍ଦର୍ନଇଷ୍ଟର୍ନ ରେଲଓ୍ବେ (ଏନ୍ଇଆର୍) ଏବଂ ଇଷ୍ଟ୍ ସେଣ୍ଟ୍ରାଲ ରେଲଓ୍ବେ (ଇସିଆର୍)। ୨୦୨୧ ଜାନୁୟାରୀରୁ ୨୦୨୨ ଏପ୍ରିଲ ମଧ୍ୟରେ କେବଳ ୟୁପିର ଉପରୋକ୍ତ ୪ ଜୋନ୍ରେ ଟ୍ରେନ୍ ଧକ୍କାରେ ୧୮,୬୫୫ ପ୍ରାଣୀଙ୍କ ମୃତ୍ୟୁ ଘଟିଥିବା ଏଥିରେ କୁହାଯାଇଛି।