ଭୁବନେଶ୍ୱର,୨୨।୧୧: ଦେଶର ବାଣିଜି୍ୟକ ସଂସ୍ଥା (କମ୍ପାନୀ) ଆର୍ସଲମିତ୍ତଲ୍-ନିପ୍ପନ୍ ଷ୍ଟିଲ୍ ଇଣ୍ଡିଆ (ଏଏମ୍-ଏନ୍ଏସ୍ ଇଣ୍ଡିଆ) ଏସାର ଗ୍ରୁପଠାରୁ ୨ଟି ପୋର୍ଟସେଟ୍ ଏବଂ ଏକ ପାୱାର ପ୍ଲାଣ୍ଟ ଅଧିଗ୍ରହଣ କରିବା ସହ କର୍ପୋରେଟ୍ ଏବଂ ନିୟାମକ ଅନୁମୋଦନ ପାଇଁ ପ୍ରାୟ ୧୬,୫୦୦ କୋଟିର ଚୁକ୍ତି ଅନୁଯାୟୀ ଅଧିଗ୍ରହଣର ସମସ୍ତ କାର୍ଯ୍ୟ ସମ୍ପନ୍ନ କରିଛି। ଏପରିକି ଏଏମ୍-ଏନ୍ଏସ୍ ଇଣ୍ଡିଆ ଦ୍ୱାରା ସମ୍ପୂର୍ଣ୍ଣ ଭାବେ ଅଧିଗ୍ରହଣ ହୋଇଥିବା (ଆର୍ଥିକ ଅନୁଦାନ ପ୍ରାପ୍ତ ଏହି ଚୁକ୍ତିନାମା ଅନୁସାରେ) ଏସାର ଗ୍ରୁପର ପାୱାର ପ୍ଲାଣ୍ଟ ଏବଂ ସମସ୍ତ ପ୍ରକାରର ଭିତ୍ତିଭୂମି ଭିତିକ ଆସେଟ୍ସ ୨୦୨୨ଅଗଷ୍ଟରେ ଏଏମ୍ଏନ୍ଏସ୍ ଇଣ୍ଡିଆ ହାସଲ କରିଛି। ଯଦ୍ୱାରା କମ୍ପାନୀର ଉପତ୍ାଦନ ଏବଂ ପରିବହନ ସୁବିଧାକୁ ଅଧିକ ଦୃଢ କରାଯାଇପାରିବ। ସେହିଭଳି ଗୁଜରାଟର ହାଜିରାଠାରେ ବର୍ଷତମାମ କାର୍ଯ୍ୟକ୍ଷମ ଗଭୀର ଡ୍ରାଫ୍ଟ ବକ୍ଟ ପୋର୍ଟ ଟର୍ମିନାଲ୍ ଏବଂ ଏଏମ୍-ଏନ୍ଏସ୍ ଇଣ୍ଡିଆର ଫ୍ଲାଗସିପ୍ ଷ୍ଟିଲ୍ ପ୍ଲାଣ୍ଟ ସହିତ ଜଡିତ ୨୫ଏମ୍ଟିପିଏ ବନ୍ଦର,ପାରାଦୀପଠାରେ ଏକ ୧୨ଏମ୍ଟିପିଏ ଗଭୀର ଜଳ ବନ୍ଦର ସହ ଏକ ଉସତ୍ର୍ଗୀକୃତ କନଭେୟର ରହିଛି। ଯାହାକି ଏଏମ୍-ଏନ୍ଏସ୍ ଇଣ୍ଡିଆର ପାରାଦୀପ ପେଲେଟ୍ ପ୍ଲାଣ୍ଟରୁ ଶତପ୍ରତିଶତ ପେଲେଟ୍ ପରିବହନକୁ ନିୟନ୍ତ୍ରଣ କରିଥାଏ। ହାଜିରାଠାରେ ଅବସ୍ଥିତ ୨୭୦ ମେଗାୱାଟ ମଲ୍ଟି ଫୁଏଲ୍ ବିଦ୍ୟୁତ୍ ଉପତ୍ାଦନ କେନ୍ଦ୍ର ରହିଛି, ଯାହା ସହ ଏଏମ୍ଏନ୍ଏସ୍ ଇଣ୍ଡିଆର ଷ୍ଟିଲ୍ ପ୍ଲାଣ୍ଟକୁ ଦୀର୍ଘମିଆଦୀ ବିଦ୍ୟୁତ ଯୋଗାଣର ଚୁକ୍ତି ମଧ୍ୟ ରହିଛି। ଯାହା ବର୍ତ୍ତମାନ ଏଏମ୍ଏନ୍ଏସ୍ ଇଣ୍ଡିଆ ଦ୍ୱାରା ପରିଚାଳିତ ଏବଂ କମ୍ପାନୀ ପାଇଁ କାର୍ଯ୍ୟକ୍ଷମରେ ଉତ୍ତମ ତାଳମେଳ ସୃଷ୍ଟି କରିବ ବୋଲି ଆଶା କରାଯାଉଛି। ଏ ସମ୍ପର୍କରେ ଏଏମ୍-ଏନ୍ଏସ୍ ଇଣ୍ଡିଆର ସିଇଓ ଦିଲୀପ୍ ଓମେନ୍ କହିଛନ୍ତି,କମ୍ପାନୀ ଭାରତରେ ଶକ୍ତି ଏବଂ ପରିବହନ ସୁବିଧାକୁ ମଜବୁତ କରିବା ପାଇଁ ଆମର ପ୍ରୟାସରେ ଏହା ଏକ ପ୍ରମୁଖ ଭୂମିକା ଗ୍ରହଣ କରିବ। ନିକଟଅତୀତରେ ଆମେ ଘୋଷଣା କରିଥିଲୁ ଯେ ହାଜିରାଠାରେ ୬୦,୦୦୦କୋଟି ଟଙ୍କାର ସଂପ୍ରସାରଣ ଯୋଜନା କାର୍ଯ୍ୟକାରୀ କରିବୁ। ଯେଉଁଥିରେ ଉଭୟ ଓଡିଶା ଓ ଗୁଜରାଟରେ ବନ୍ଦରଭିତ୍ତିକ ଆସେଟ୍ସର ବୃଦ୍ଧି କରାଯିବ। ତେଣୁ ସମସ୍ତ ଅଧିଗ୍ରହଣ କରିବା ଦ୍ୱାରା ଆମର ନିକଟ ଅତୀତରେ ନିଆଯାଇଥିବା ଘୋଷଣାକୁ କାର୍ଯ୍ୟକାରୀ କରିବା ଦିଗରେ ସହାୟକ ହୋଇପାରିଛୁ। ୨୦୨୨ଅଗଷ୍ଟ ଚୁକ୍ତିରେ ଅବଶିଷ୍ଟ ସମ୍ପତିଗୁଡିକର ଅଧିଗ୍ରହଣକୁ ଅନ୍ତର୍ଭୁକ୍ତ କରାଯାଇଛି। ବିଶେଷ କରି ହାଜିରାଠାରେ ୫୧୫ମେଗାୱାଟ୍ ଗ୍ୟାସ୍ ଆଧାରିତ ବିଦ୍ୟୁତ୍ ଉପତ୍ାଦନ କେନ୍ଦ୍ର,ବିଶାଖାପାଟଣାଠାରେ ୧୬ ଏମ୍ଟିପିଏ ସର୍ବକାଳୀନ ଗଭୀର ଡ୍ରାଫ୍ଟ ଟର୍ମିନାଲ, ୧୦୦କି.ମି. ଗାନ୍ଧାର-ହାଜିରା ଟ୍ରାନ୍ସମିଶନ ଲାଇନ ଆବଶ୍ୟକ ନିୟାମକ ଅନୁମୋଦନ ପାଇବା ପରେ ଠିକ୍ ସମୟରେ ଶେଷ ହେବ ବୋଲି ସେ ମତ ପ୍ରକାଶ କରିଛନ୍ତି।