କୁମହାରି,୫।୧: ମାଲକାନଗିରି ଛତିଶଗଡ ସୀମାନ୍ତ ନାରାୟଣପୁର ଜିଲାରେ ବିଏସଏଫ ଭ୍ୟାନ ଦୁର୍ଘଟଣା ଗ୍ରସ୍ତ ହୋଇଛି । ଭ୍ୟାନ ଓଲଟି ୧୭ ଜଣ ବିଏସଏଫ ଯବାନ ଗୁରୁୁତର ଆହତ ହୋଇଛନ୍ତି। ସେମାନଙ୍କ ମଧ୍ୟରୁ ୫ ଜଣଙ୍କ ଅବସ୍ଥା ସଙ୍କଟାପନ୍ନ ରହିଛି । ସମସ୍ତ ଆହତମାନଙ୍କୁ ବାୟୁ ସେନାର ଦୁଇଟି ହେଲିକାପ୍ଟର ଯୋଗେ ରାୟପୁର ସ୍ଥାନାନ୍ତର କରାଯାଇଛି ।
ସୂଚନାଯୋଗ୍ୟ,ରାଓଘାଟା ଥାନା ଅନ୍ତର୍ଗତ କୁମହାରି ଗାଁ ନିକଟରେ ଏହିି ଦୁର୍ଘଟଣା ଘଟିଛି । ବିଏସଏଫ ୧୬୨ ବାଟାଲିଆନର ଯବାନମାନେ ନାରାୟଣପୁରରୁ ଏକ ଭ୍ୟାନରେ ବସି କୋଣ୍ଡାଗାଁ ଯାଇଥିବାବେଳେ ଜଙ୍ଗଲ ରାସ୍ତାର ଏହି ଦୁର୍ଘଟଣା ହୋଇଥିବା ସୂଚନା ଦେଇଛନ୍ତି ନାରାୟଣପୁରପୁ ଏସପି ପୁଷ୍କର ଶର୍ମା ।
