ବାଲୁଗାଁ,୧ା୨(ଡି.ଏନ୍.ଏ.): ଖୋର୍ଦ୍ଧା ଜିଲା ଚିଲିକା ବ୍ଲକ ଅଧୀନ ସୋରଣ ପେଣ୍ଠରୁ ରବିବାର ଚିଲିକା ପରିଭ୍ରମଣରେ ଯାଇଥିବା ୧୭ଜଣ ପର୍ଯ୍ୟଟକ, ୨ଜଣ ନାଉରିଆ ଫେରିବାବେଳେ ମଝି ଚିଲିକାରେ ଫସିଯାଇଛନ୍ତି। ଖବରପାଇ ବାଲୁଗାଁ ଅଗ୍ନିଶମ କର୍ମଚାରୀ ପହଞ୍ଚତ୍ ପ୍ରାୟ ୬ଘଣ୍ଟା ପରେ ଯାତ୍ରୀମାନଙ୍କୁ ଉଦ୍ଧାର କରିଥିଲେ। କୁହୁଡ଼ି ନିକଟ ସୋରଣସ୍ଥିତ ଚିଲିକା ପେଣ୍ଠରୁ କେତେଜଣ ଶିଶୁଙ୍କ ସହ ୧୭ଜଣ ପର୍ଯ୍ୟଟକ ରବିବାର ସକାଳୁ ଏକ ଡଙ୍ଗା ଯୋଗେ ଚିଲିକା ଭ୍ରମଣରେ ବାହାରିଥିଲେ। କାଳୀଜାଈ ଦର୍ଶନ ଏବଂ ନଳବଣ ପରିଭ୍ରମଣ କରି ଯାତ୍ରୀମାନେ ଫେରୁଥିବା ବେଳେ ହଠାତ୍ ଡଙ୍ଗାର ମେଶିନ୍ ଅଚଳ ହୋଇପଡ଼ିଥିଲା। ସନ୍ଧ୍ୟା ସମୟ ୫ଟା ୩୦ ଏବଂ ଘନ କୁହୁଡ଼ି ହେତୁ ଦିଗ ବାରିବା ସେମାନଙ୍କ ପାଇଁ କଷ୍ଟ ହୋଇପଡ଼ିଥିଲା। ଶେଷରେ ଅନ୍ୟୋପାୟ ହୋଇ ଯାତ୍ରୀମାନେ ସେମାନଙ୍କ ପରିବାରବର୍ଗଙ୍କୁ ଫୋନ ଯୋଗେ ଘଟଣା ସମ୍ପର୍କରେ ଅବଗତ କରିଥିଲେ। ପରିବାର ଲୋକଙ୍କଠାରୁ ସୂଚନା ପାଇ ଚିଲିକା ଅତିରିକ୍ତ ତହସିଲଦାର ଅପର୍ଣ୍ଣା ଡାଙ୍ଗୁଆ ଫସିଥିବା ଯାତ୍ରୀଙ୍କୁ ତୁରନ୍ତ ଉଦ୍ଧାର ନିମନ୍ତେ ବାଲୁଗାଁ ଅଗ୍ନିଶମ ବିଭାଗକୁ ଖବର ଦେଇଥିଲେ। ଅଗ୍ନିଶମ ବିଭାଗ ଅଧିକାରୀ ନିତ୍ୟାନନ୍ଦ ଜେନା ସଦଳବଳ ବାଲୁଗଁା ଜେଟିଠାରୁ ଏକ ଡ଼ଙ୍ଗା ଯୋଗେ ଯାତ୍ରୀଙ୍କୁ ଉଦ୍ଧାର ନିମନ୍ତେ ବାହାରିଥିଲେ। ତେବେ ଅନ୍ଧାର ଯୋଗୁ ଚିଲିକା ମଧ୍ୟରେ ଫସିରହିଥିବା ଯାତ୍ରୀଙ୍କୁ ସନ୍ଧାନ କରିବା କଷ୍ଟ ହୋଇଥିଲା। ଯାତ୍ରୀମାନେ ଚିକତ୍ାର କରିବା ସହ ନିଆଁ ଏବଂ ଲାଇଟ୍ ଦେଖାଇ ଅଗ୍ନିଶମ ବିଭାଗକୁ ସଂକେତ ଦେବାରେ ପ୍ରାୟ ରାତି ୧୧ଟା ୩୦ରେ କର୍ମଚାରୀମାନେ ସେଠାରେ ପହଞ୍ଚତ୍ ଯାତ୍ରୀମାନଙ୍କୁ ଉଦ୍ଧାର କରିଥିଲେ।