ହିଞ୍ଜିଳିକାଟୁ,୩୧ା୧୦: ଗଞ୍ଜାମ ଜିଲା ହିଞ୍ଜିଳି ପୋଲିସ ପକ୍ଷରୁ ଶାସନଆମ୍ବଗାଁ ଓ ଶ୍ରଦ୍ଧାପୁର ଗ୍ରାମରେ ଶୁକ୍ରବାର ରାତି ଓ ଶନିବାର ପୂର୍ବାହ୍ନରେ ଜୁଆ ଆଡ୍ଡା ଉପରେ ଚଢ଼ାଉ କରାଯାଇ ୧୪ ଜଣଙ୍କୁ ଗିରଫ କରାଯାଇଛି। ଶାସନଆମ୍ବଗାଁରେ ଜୁଆ ଆଡ୍ଡା ଚଢ଼ାଉ ବେଳେ ପୋଲିସ ୨୮ ହଜାର ୫୧୦ ଟଙ୍କା ଓ ୮ ଜୁଆଡ଼ିଙ୍କୁ ଗିରଫ କରିଛି। ସେହିପରି ଶ୍ରଦ୍ଧାପୁର ଗ୍ରାମ ଜୁଆ ଆଡ୍ଡାରୁ ୧୬ ହଜାର ୩୧୦ ଟଙ୍କା ଜବତ ହୋଇଥିବା ବେଳେ ୬ ଜୁଆଡ଼ିଙ୍କୁ ଗିରଫ କରାଯାଇଛି। ଅଭିଯୁକ୍ତମାନଙ୍କ ନାମରେ ୨ଟି ମାମଲା ରୁଜୁ ହୋଇଥିବା ଆଇଆଇସି ଅଭିମନ୍ୟୁ ଦାଶଙ୍କ ଠାରୁ ପ୍ରକାଶ।