ବ୍ରହ୍ମପୁର ଅଫିସ,୯ା୨: ବ୍ରହ୍ମପୁର ଅବକାରୀ ଗୁଇନ୍ଦା ବିଭାଗ ପକ୍ଷରୁ ଗୁରୁବାର ଅପରାହ୍ନରେ ଯାନବାହନ ଯାଞ୍ଚ କରାଯାଉଥିଲା। ୧୬ ନମ୍ବର ଜାତୀୟ ରାଜପଥର ଲାଞ୍ଜିପଲ୍ଲୀ ଦେଇ ଭୁବନେଶ୍ୱର ଅଭିମୁଖେ ଯାଉଥିବା ଏକ ଯାତ୍ରୀବାହୀ ବସ୍କୁ ଅବକାରୀ ଟିମ୍ ଯାଞ୍ଚ କରୁଥିଲା। ଗଞ୍ଜେଇ ଗାଡ଼ି ଯାଞ୍ଚ ବେଳେ ଏକ ଘରୋଇ ବସରୁ ୧୮ ଲକ୍ଷରୁ ଊଦ୍ଧର୍ବ ଟଙ୍କା ଜବତ ହୋଇଥିବା ଅବକାରୀ ଗୁଇନ୍ଦା ଇନ୍ସପେକ୍ଟର ହୃଦୟ ଚନ୍ଦ୍ର ସାମନ୍ତ ସୂଚନା ଦେଇଛନ୍ତି। ଏହି ଘଟଣାରେ ଅବକାରୀ ଗୁଇନ୍ଦା ବିଭାଗ ଯାଜପୁର ଜିଲାର ଗୋବିନ୍ଦପୁର ଗ୍ରାମର ସଞ୍ଜୟ ସାହୁ ଓରଫ ବାବୁଲିକୁ ଅଟକ ରଖି ପଚାଉଚରା କରୁଥିବା ଜଣାପଡ଼ିଛି। ସେ ଏକ କାଜୁ ବ୍ୟବସାୟୀ ବୋଲି ଜଣାପଡ଼ିଛି। ସେ ବ୍ରହ୍ମପୁରରୁ ଯାଜପୁର ଯାଉଥିଲେ ବୋଲି ଅବକାରୀ ବିଭାଗକୁ କହିଛନ୍ତି।
