ନୂଆଦିଲ୍ଲୀ,୭।୨: ଚଳିତ ବର୍ଷ ଜାନୁୟାରୀ ମାସରେ ଦେଶର ଅଟୋମୋବାଇଲ ସେଲ (ଯାନ ବିକ୍ରି) ପୂର୍ବ ବର୍ଷର ସମାନ ଅବଧିୀର ବିକ୍ରି ଅପେକ୍ଷା ପ୍ରାୟ ୧୪% (୧୩.୫୬) ବୃଦ୍ଧି ପାଇଥିବା ଜଣାପଡିଛି। ଏପରିକି ୨୦୨୩ ଜାନୁୟାରୀରେ ଦେଶର ମୋଟ ୧୮,୨୬,୬୬୯ ୟୁନିଟ ଗାଡ଼ି ବିକ୍ରି ହୋଇଥିବା ବେଳେ ୨୦୨୨ ଜାନୁୟାରୀରେ ଏହାର ପରିମାଣ ୧୬,୦୮,୫୦୫ ୟୁନିଟ କରାଯାଇଥିବା ଫେଡେରେସନ ଅଫ୍ ଅଟୋମୋବାଇଲ୍ ଡିଲର୍ସ ଆସୋସିଏସନ୍ (ଫାଡା) ପକ୍ଷରୁ କୁହାଯାଇଛି। ଏପରିକି ସୋମବାର ଫାଡା ପକ୍ଷରୁ ୨୦୨୩ ଜାନୁୟାରୀ ମାସର ଗାଡ଼ି ବିକ୍ରି ସମ୍ପର୍କରେ ବିସ୍ତୃତ ସୂଚନା ଦିଆଯାଇଛି। ସେହିଭଳି ୨୦୨୩ ଜାନୁୟାରୀରେ ୨ ଚିକିଆ ଗାଡ଼ି ୧୦%, ୩ ଚିକିଆ ଗାଡ଼ି ୫୯%, ଯାତ୍ରୀବାହୀ ଗାଡ଼ି ୨୨%, ଟ୍ରାକ୍ଟର ୮% ଏବଂ ବାଣିଜ୍ୟକ ଗାଡ଼ି ୧୬ % ବିକ୍ରି ହୋଇଥିବା ଫାଡା ପକ୍ଷରୁ କୁହାଯାଇଛି।
ଏ ସମ୍ପର୍କରେ ଫାଡାର ସଭାପତି ମନିଷ ରାଜ ସିଂଘାଣିଆ କହିଛନ୍ତି, ଦେଶରେ ଯାତ୍ରୀବାହୀ ଗାଡ଼ି ବୁକିଂ ଅର୍ଡ଼ର ଦିନକୁ ଦିନ ବୃଦ୍ଧି ପାଉଛି। ହେଲେ ଦେଶରେ ୨ ଚିକିଆ ଗାଡ଼ି ବିକ୍ରି ପ୍ରଦର୍ଶନ ଭଲ ରହୁଛି, ବିଶେଷ କରି ଗ୍ରାମଞ୍ଚଳରେ ଗାଡ଼ି ବିକ୍ରିରେ ଭଲ ପ୍ରଦର୍ଶନ କରିନାହିଁ। ତେବେ ୩ ଚିକିଆ ଗାଡ଼ି ବିକ୍ରି ଦେଶରେ ପୂର୍ବବର୍ଷ ତୁଳନାରେ ୬୦% ବୃଦ୍ଧି ପାଇଛି। ଏପରିକି ଯାତ୍ରୀବାହୀ ଗାଡ଼ି ପୂର୍ବବର୍ଷ ତୁଳନାରେ ୨୨% ବୃଦ୍ଧି ହୋଇଛି। ସେହିଭଳି ୨୦୨୧ ଜାନୁୟାରୀରୁ ୧୦ % ଏବଂ ୨୦୨୦ ଜାନୁୟାରୀ ଠାରୁ ୮% ଗାଡ଼ି ବିକ୍ରିରେ ବୃଦ୍ଧି ଘଟିଛି। ଏତ୍ଦବ୍ୟତୀତ ବଜାରରେ ବିଳାସପୂର୍ଣ୍ଣ ଗାଡ଼ି ମାନଙ୍କ ମଧ୍ୟରେ ମାରୁତି ସୁଜୁକି ଗାଡ଼ି ଦେଶରେ ବିକ୍ରି କରିବାରେ ଭଲ ପ୍ରଦର୍ଶନ ଜାରି ରଖିଛି। ଏହା ପରେ ହୁଣ୍ଡାଇ ମୋଟର ଏବଂ ଟାଟା ମୋଟର୍ସର ଗାଡ଼ି ବିକ୍ରି ଉସତ୍ାହଜନକ ରହିଥିଲା ବୋଲି ସେ ମତପ୍ରକାଶ କରିଛନ୍ତି।
