ହାଇଦ୍ରାବାଦ,୧୮।୫: ହାଇଦ୍ରାବାଦସ୍ଥିତ ରାଜୀବ ଗାନ୍ଧୀ ଇଣ୍ଟରନ୍ୟାଶନାଲ ଷ୍ଟାଡିୟମରେ ଗୁରୁବାର ଖେଳାଯାଇଥିବା ଆଇପିଏଲ୍ର ୬୫ତମ ମ୍ୟାଚରେ ହେନ୍ରିଚ କ୍ଲାସେନଙ୍କ ଶତକୀୟ ଇନିଂସ୍ ବଲରେ ସନ୍ ରାଇଜର୍ସ ହାଇଦ୍ରାବାଦ ନିର୍ଦ୍ଧାରିତ(ଏସ୍ଆର୍ଏଚ୍) ୨୦ ଓଭରରେ ୫ ଉଇକେଟ ହରାଇ ୧୮୬ ରନ୍ କରିଛି। ଫଳରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର(ଆର୍ସିବି) ଆଗରେ ୧୮୭ ରନ୍ର ବିଜୟ ଟାର୍ଗେଟ୍ ରହିଛି ହାଇଦ୍ରାବାଦ।
ଅଧିନାୟକ ଫାଫ ଡୁ ପ୍ଲେସିସ ଟସ୍ ଜିତି ବୋଲିଂ ନିଷ୍ପତ୍ତି ନେଇଥିଲେ। ଫଳରେ ଆମନ୍ତ୍ରଣ ପାଇ ଆଡେନ ମାର୍କ୍ରାମଙ୍କ ନେତୃତ୍ୱାଧୀନ ସନ୍ ରାଇଜର୍ସ ହାଇଦ୍ରାବାଦ(ଏସ୍ଆର୍ଏଚ୍) ପ୍ରଥମେ ବ୍ୟାଟିଂ କରିଥିଲା। ଦଳର ୨ ଓପରନ୍ ଅଭିଷେକ ଶର୍ମା ଏବଂ ରାହୁଲ ତ୍ରିପାଠୀ ବ୍ୟାଟିଂ କରିବାକୁ ଆସିଥିଲେ। ହେଲେ ଦଳକୁ ପ୍ରାରମ୍ଭିକ ଝଟକା ଲାଗିଥିଲା। ଅଭିଷେକ ୧୧ ରନ୍ କରି ପ୍ରଥମେ ଆଉଟ୍ ହୋଇଥିବା ବେଳେ ରାହୁଲ ୧୫ ରନ୍ କରି ଆଉଟ ହୋଇଯାଇଥିଲେ। ଏପରିକି ଅଧିନାୟକ ମାର୍କ୍ରାମ ମଧ୍ୟ ପୁଣି ବିଫଳ ହୋଇଥିଲେ। ସେ ୧୮ ରନ୍ କରି ଆଉଟ୍ ହୋଇଥିବା ବେଳେ ଦଳ ସଙ୍କଟରେ ପଡିଥିଲା। ହେଲେ ହେନ୍ରିଚ କ୍ଲାସେନ ଧର୍ଯ୍ୟର ସହ ବ୍ୟାଟି କରି ୫୧ ବଲ୍ରେ ୮ ଚୌକା ୬ ଛକା ସହାୟତାରେ ୧୦୪ ରନ୍ର ଧୂଆଁଧାର ଇନିଂସ୍ ଖେଳିଥିଲେ। ହ୍ୟାରି ବ୍ରୁକ୍ ମହତ୍ୱପୂର୍ଣ୍ଣ ୨୭ ରନ୍ କରିଥିଲେ। ଫଳରେ ହାଇଦ୍ରାବାଦ ୧୬୭ ରନ୍ କରିବାରେ ସକ୍ଷମ ହୋଇଥିଲା। ଆର୍ସିବି ପକ୍ଷରୁ ମାଇକେଲ ବ୍ରେସୱେଲ ୨ ଉଇକେଟ ନେଇଥିବା ବେଳେ ମହମ୍ମଦ ସିରାଜ, ଶାହାବାଜ ଅହମ୍ମଦ ଏବଂ ହର୍ଷଲ ପଟେଲ ଗୋଟିଏ ଲେଖାଏ ଉଇକେଟ ନେଇଥିଲେ ।