ମୁମ୍ବାଇ,୧୦ା୪: ମୁମ୍ବାଇର ଓ୍ବାଙ୍ଖଡେ ଷ୍ଟାଡିୟମରେ ଶନିବାର ଖେଳାଯାଇଥିବା ଆଇପିଏଲ୍ର ୧୪ ତମ ସଂସ୍କରଣର ଦ୍ୱିତୀୟ ମ୍ୟାଚରେ ଟସ୍ ଜିତି ବୋଲିଂ କରିବାକୁ ନିଷ୍ପତ୍ତି ନେଇଥିଲେ ଦିଲ୍ଲୀ କ୍ୟାପିଟାଲ୍ସ ଅଧିନାୟକ ରିଷଭ ପନ୍ତ। ପ୍ରଥମ ବ୍ୟାଟିଂ କରି ଚେନ୍ନାଇ ସୁପର କିଙ୍ଗ୍ସ ନିଦ୍ଧାରିତ ୨୦ ଓଭରରେ ୭ ଉଇକେଟ ହରାଇ ୧୮୮ ରନ୍ କରିବାକୁ ସକ୍ଷମ ହୋଇଛି। ଟସ୍ ନିଷ୍ପତ୍ତିକୁ ସିଠିକ୍ ପ୍ରମାଣ କରିଥିଲେ ବୋଲର ଆଭେସ ଖାଁ। ଆଭେସ ପ୍ରଥମ ଓଭରର ଚତୁର୍ଥ ବଲ୍ରେ ଚେନ୍ନାଇ ସୁପର କିଙ୍ଗ୍ସ ଦଳର ଓପରନର ଫାଫ ଡୁପ୍ଲେସଙ୍କୁ ଶୁନରେ ଆଉଟ କରିଥିଲେ। ସେହିପରି ଋତୁରାଜ ଗାଏକ୍ୱାଡ ମଧ୍ୟ ବେଶି କିଛି କରିପାରି ନ ଥିଲେ। ଋତୁରାଜ ୫ରନ୍ କରି କ୍ରିସ୍ ଓ୍ବକ୍ସଙ୍କ ବଲରେ ଆଉଟ ହୋଇଯାଇଥିଲେ। ପରେ ସୁରେଶ ରାଇନା ଏବଂ ମୋଇନ ଅଲି ସ୍ଥିତି ସମ୍ଭାଲି ଥିଲେ। ମୋଇନ ୩୬, ସୁରେଶ ରାଇନା ୫୪, ଅମ୍ବାତ୍ତି ରାୟୁଡୁ ୨୩, ରବୀନ୍ଦ୍ର ଜାଡେଜା ୨୬, ସାମ କୁରାନ ୩୪ ରନ୍ କର ଆଉଟ ହୋଇଇଥିଲେ। ଦିଲ୍ଲୀ କ୍ୟାପିଟାଲ୍ସ ଆଗରେ ଛିଡ଼ା ହୋଇଛି ୧୮୯ ରନ୍ର ବିଜୟ ଲକ୍ଷ୍ୟ। ଦିଲ୍ଲୀ କ୍ୟାପିଟାଲ୍ସ ତରଫରୁ ଆଭେସ ଖାଁ ୪ ଓଭରରେ ୨୩ ରନ୍ ଦେଇ ୨ ଉଇକେଟ ନେଇଥିବା ବେଳେ କ୍ରିସ୍ ଓ୍ବକ୍ସ ୨ଟି ଏବଂ ଆର. ଅଶ୍ୱିନ ଏବଂ ଟମ୍ କୁରନ ଗୋଟିଏ ଲେଖାଏଁ ଉଇକେଟ ନେଇଥିଲେ।