ଖୋର୍ଦ୍ଧା ଅଫିସ, ୧୫।୧: ଗୋଚାଲାଣ ପରେ ଗୋମାଂସ ଚାଲାଣ ଦିନକୁ ଦିନ ବଢ଼ିବାରେ ଲାଗିଛି। ଶନିବାର
ଭୋର ସମୟରେ କୋଲକାତାରୁ ଆନ୍ଧ୍ର ଅଭିମୁଖେ ଏକ କଣ୍ଟେନରରେ
ଗୋମାଂସ ଚାଲାଣ ହେଉଥିବା ଖବରପାଇ ସ୍ଥାନୀୟ ବିଶ୍ବହିନ୍ଦୁ ପରିଷଦ ଓ ବଜରଙ୍ଗ ଦଳ ୧୬ନଂ. ଜାତୀୟ ରାଜପଥ ଗ୍ରୀନ ଚିଲି ନିକଟରେ ଅଟକାଇ ଥିଲେ। ଏଥିରେ ଗୋମାଂସ ଥିବା ଜଣାପଡିବା ପରେ ଟାଉନ ପୋଲିସ ଜିମା ଦେଇଥିଲେ। ପୋଲିସ ଡ୍ରାଇଭରଙ୍କୁ ଅଟକ ରଖିଛି। ଜବତ ଗୋମାଂସ ୨୪ ଟନ୍ରୁ ଊଦ୍ଧର୍ବ ହେବ ବୋଲି ପୋଲିସ ସୂଚନା ଦେଇଛି। ଜବତ ଗୋମାଂସକୁ ପ୍ରାଣୀଧନ ବିଭାଗ ଦ୍ବାରା ପରୀକ୍ଷଣ ପରେ ନିକଟସ୍ଥ ଜଙ୍ଗଲରେ ପୋଲିସ ପୋତିଛି। ଏ ନେଇ ବଜରଙ୍ଗ ଦଳ ଥାନାରେ ଲିଖିତ ଅଭିଯୋଗ କରିଛି।
ମିଳିଥିବା ସୂଚନା ମୁତାବକ, କୋଲକାତାରୁ ଆନ୍ଧ୍ର ଅଭିମୁଖେ କଣ୍ଟେନରରେ ଗୋମାଂସ ଚାଲାଣ ହେଉଥିବା ଖବରପାଇ ଭିଏଚ୍ପି ଓ ବଜରଙ୍ଗ ଦଳ ଟିମ ୧୬ନଂ. ଜାତୀୟ ରାଜପଥର ଏସ୍ପି ଅଫିସ ନିକଟରେ ଜଗିଥିଲେ। ଏହି ସମୟରେ ସଂପୃକ୍ତ ଡ୍ରାଇଭର ସେଠାରେ ଗାଡ଼ି ନ ଅଟକାଇ ଖସିଯିବାକୁ ଉଦ୍ୟମ କଲାବେଳେ ଆଗ ଛକରେ ଜଗିଥିବା ଟିମ ଗ୍ରୀନ ଚିଲି ହୋଟେଲ ସମ୍ମୁଖରେ ଅଟକାଇଥିଲେ।