ଶ୍ରୀନଗର,୩୧।୧୦: ଦକ୍ଷିଣ କଶ୍ମୀରର ଶୋପିଆନ ଜିଲାର କଲାର ଅଞ୍ଚଳରୁ ଦୁଇଜଣ ଲଶ୍କର-ଏ-ତୋଇବା ଆତଙ୍କବାଦୀଙ୍କୁ ଗିରଫ କରାଯାଇଛି। ପୋଲିସ ସେମାନଙ୍କ ନିକଟରୁ ଅସ୍ତ୍ରଶସ୍ତ୍ର ଓ ଗୁଳି ଜବତ କରିଛି। ସୂଚନାକୁ ଭିତ୍ତି କରି ସେନା ଏବଂ ସିଆରପିଏଫ୍ ସହିତ ମିଳିତ ଟିମ୍ ଆତଙ୍କବାଦୀଙ୍କୁ ଗିରଫ କରିଛି ବୋଲି ପୋଲିସ କହିଛି।
ଗିରଫ ଆତଙ୍କବାଦୀ ଗୌହର ମଞ୍ଜୁର ଭଟ ଏବଂ ଅବିଦ ହୁସେନ ନନ୍ଦା ବୋଲି ଜଣା ପଡିଛି। ସେମାନଙ୍କ ନିକଟରୁ ଗୋଟିଏ ପିସ୍ତଲ, ଗୋଟିଏ ଗ୍ରେନେଡ, ୧୦ ରାଉଣ୍ଡ ଗୁଳି ଏବଂ ଷାଠିଏ ହଜାର ଟଙ୍କା ଜବତ କରାଯାଇଛି। ଏ ବାବଦରେ କାଲାର ପୋଲିସ ଷ୍ଟେଶନରେ ଏକ ମାମଲା ରୁଜୁ ହୋଇଛି।