ନୂଆଦିଲ୍ଲୀ, ୧୧ା୪- ନୋଏଡାର ସେକ୍ଟର ୬୩ରେ ରବିବାର ବଡ଼ ଧରଣର ଅଗ୍ନିକାଣ୍ଡ ଘଟିଛି। ଏହି ଘଟଣାରେ ୩ ବର୍ଷର ୨ ଜଣ ଶିଶୁଙ୍କ ମୃତ୍ୟୁ ଘଟିଥିବା ପୋଲିସ ପକ୍ଷରୁ କୁହାଯାଇଛି। ଅଗ୍ନିକାଣ୍ଡ ସମ୍ପର୍କରେ ଖବର ପାଇ ସ୍ଥାନୀୟ ପୋଲିସ ଓ ଅଗ୍ନିଶମ ବିଭାଗ ନିଆଁକୁ ନିୟନ୍ତ୍ରଣ କରିବାକୁ ଚେଷ୍ଟା ଜାରି ରଖିଥିବା ଖବର ମିଳିଛି।
ନୋଏଡାର ଭୋପାଳପୁର ଗ୍ରାମାଞ୍ଚଳରେ ଅଜଣା କାରଣରୁ ଅଗ୍ନିକାଣ୍ଡ ଘଟିଥିବା ଟୁଇଟ୍ କରି ଜଣାଇଛନ୍ତି ଗୌତମ ବୁଦ୍ଧ ନଗର ପୋଲିସ କମିଶନରେଟ୍। ଆଉ ଘଟଣାର ଭିଡିଓ ଶେୟାର କରାଯାଇଛି। ଭିଡିଓରେ କଳା ଧୂଆଁର ବାଦଲ ଦେଖିବାକୁ ମିଳୁଛି।