ଆଜିକାଲି ସମସ୍ତେ ସୌନ୍ଦର୍ଯ୍ୟ ସଚେତନ। ତେଣୁ ବ୍ରାଣ୍ଡେଡ ଓ ଦାମୀ ବିଉଟି ପ୍ରଡକ୍ଟର ଆଦର ଦିନକୁ ଦିନ ବଢିବାରେ ଲାଗିଛି। ହେଲେ ଏମିତି ବି କିଛି ବିଉଟି ପ୍ରଡକ୍ଟ ଅଛି ଯାହାକୁ କିଣିବା ସାତ ସପନ। ସେଥିମଧ୍ୟରେ ଗୋଟିଏ ହେଉଛି ଏଜାଟୁର ନେଲପଲିଶ୍। ଏହି ନେଲ୍ପଲିଶର ମୂଲ୍ୟ ଏତେ ଯେ, ବଡ଼ ବଡ଼ ଧନୀ ମହିଳା ବି ଏହାକୁ କିଣିପାରିବେ ନାହିଁ। ନଖର ସୌନ୍ଦର୍ଯ୍ୟ ବଢାଉଥିବା ଉକ୍ତ ନେଲ୍ପଲିଶ୍ର ଛୋଟିଆ ବୋତଲର ମୂଲ୍ୟ ହେଉଛି ୨ କୋଟି ଟଙ୍କାରୁ ଅଧିକ। ଆଶ୍ଚର୍ଯ୍ୟ ଲାଗିଲେ ବି ଏହା ସତ। ତେଣୁ ଏଜାଟୁର ନେଲ୍ପଲିଶ୍କୁ ପୃଥିବୀର ସବୁଠୁ ଦାମୀ ନେଲ୍ପଲିଶ୍ର ମାନ୍ୟତା ମିଳିଛି। ଏହାକୁ ଲସଆଞ୍ଜେଲିସ୍ର ଡିଜାଇନର୍ ଏଜାଟୁର ପୋଗୋସିୟନ୍ ପ୍ରସ୍ତୁତ କରିଛନ୍ତି। ଏଜାଟୁର୍ ବ୍ରାଣ୍ଡ ବିଭିନ୍ନ ରଙ୍ଗର ନେଲ୍ ପଲିଶ୍ ତିଆରି କରିଛି। ହେଲେ ଏହାର କଳା ରଙ୍ଗର ନେଲ୍ପଲିଶ୍୍ ହେଉଛି ସବୁଠାରୁ ମହଙ୍ଗା। ଏହାର ଯେତିକି ମୂଲ୍ୟ ସେଥିରେ ବଙ୍ଗଳା, ଏକାଧିକ ଲକ୍ଜୁରୀୟସ୍ ଗାଡି କିଣିହେବ। ତେବେ ଏହାର ମୂଲ୍ୟ ଏତେ ଅଧିକ ହେବା ପଛର କାରଣ ହେଉଛି, ବ୍ଲାକ୍ ଏଜାଟୁର୍ ନେଲ୍ପଲିଶ୍ ତିଆରି କରିବା ପାଇଁ ବ୍ଲାକ୍ ଡାଇମଣ୍ଡର ବ୍ୟବହାର ହୋଇଛି। ୧୫୦ମି.ଲି. ଉକ୍ତ ନେଲ୍ପଲିଶ୍କୁ ଆଜିପର୍ଯ୍ୟନ୍ତ କେବଳ ୨୫ ଜଣ ହିଁ କିଣିବାକୁ ସକ୍ଷମ ହୋଇଛନ୍ତି।