ପରଜଙ୍ଗ,୧୦।୧୨(ନିଗମାନନ୍ଦ ଦଳବେହେରା): ଢେଙ୍କାନାଳ ଜିଲା ପରଜଙ୍ଗ ଥାନା ୫୩ ନଂ. ଜାତୀୟ ରାଜପଥର ଖଇରାମୁଣ୍ଡା ଗାଁ ନିକଟରେ ଯାତ୍ରୀବାହୀ ବସ୍ ଧକ୍କାରେ ଜଣେ ରଡ଼ ବାଇଣ୍ଡିଙ୍ଗ ମିସ୍ତ୍ରୀଙ୍କ ମୃତ୍ୟୁ ଘଟିଛି। ଏଥିସହିତ ୨ଜଣ ଗୁରୁତର ହୋଇଛନ୍ତି । ମୃତକ ଜଣଙ୍କ ପରଜଙ୍ଗ ଥାନା ଗେହ୍ଲେଇକାଟେଣି ଗାଁର ସାଗର ପ୍ରଧାନ । ସେହିପରି ଗୁରୁତର ମାନେ ନାଉପାଳକାଟେଣୀ ଗାଁର ସୌମ୍ୟରଞ୍ଜନ ସାହୁ ଏବଂ ସୁମନ୍ତ ପରିଡା। ସମସ୍ତେ ଏକ ବାଇକ ଯୋଗେ ନିଜ ଗାଁରୁ ଛାତରଡ଼ ବାଇଣ୍ଡିଙ୍ଗ କରିବା ପାଇଁ ପଡିଆ ଭଙ୍ଗା ଗାଁକୁ ଯାଉଥିବା ବେଳେ ପଛରୁ ଧକ୍କା ଦେଇଥିଲା ଭୋଳାନାଥ ନାମକ ଯାତ୍ରୀବାହୀ ବସ। ଘଟଣାସ୍ଥଳରେ ହିଁ ସାଗରଙ୍କ ମୃତ୍ୟୁ ଘଟିଥିଲା ।ଗୁରୁତର ମାନଙ୍କୁ ପରଜଙ୍ଗ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା। ଆହାତ ଦୁଇଜଣଙ୍କର ଢେଙ୍କାନାଳ ମୁଖ୍ୟ ଚିକିତ୍ସାଳୟରେ ମୃତ୍ୟୁ ଘଟିଛି। ଯାହାକୁ ନେଇ ଉତ୍ୟକ୍ତ ଲୋକମାନେ କ୍ଷତି ପୂରଣ ଦାବିରେ ରାସ୍ତାରୋକ କରିଥିଲେ। ଏ ନେଇ ପରଜଙ୍ଗ ପୋଲିସ ଦୁର୍ଘଟଣା ଘଟାଇଥିବା ବସ୍କୁ ଅଟକ ରଖିବା ସହ ଉତ୍ୟକ୍ତ ଲୋକଙ୍କୁ ବୁଝାସୁଝା ଜାରି ରଖିଛି।
