ପାଟଣା,୨୫ା୨(ବୀରକିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଦେଇ ଯାଇଥିବା କେନ୍ଦୁଝର ତୁରୁମୁଙ୍ଗା ୪୯ ନମ୍ବର ମୁମ୍ବାଇ କୋଲକାତା ଜାତୀୟ ରାଜପଥର ହାତୀବାରି ମଣ୍ଟୁ ଢାବା ନିକଟରେ ମଙ୍ଗଳବାର ଭୋର୍ ସକାଳୁ ଅଜଣା ଗାଡ଼ି ଧକ୍କାରେ ଜଣେ ଯୁବକଙ୍କ ମୃତ୍ୟୁ ଘଟିଛି। ମୃତକଙ୍କ ପରିଚୟ ମିଳି ପାରିନାହିଁ। ଦୁର୍ଘଟଣା ଘଟାଇ ଘଟଣାସ୍ଥଳରୁ ଗାଡ଼ି ଫେରାର ହୋଇଯାଇଛି।
ଅନୁରୂପ ଭାବେ କେନ୍ଦୁଝର ଜିଲା ପାଟଣା ବ୍ଲକ ମୀରିଖୋଜି ପଞ୍ଚାୟତ ଅସନବାହାଳୀ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ଛକ ନିକଟରେ ସୋମବାର ରାତିରେ ଏକ ଟ୍ରାକ୍ଟର ପଥର ଉପରକୁ ଚଢ଼ାଇ ଦେବା ଫଳରେ ଟ୍ରାକ୍ଟର ଓଲଟି ଖାଲରେ ପଡ଼ିଯାଇଥିଲ। ଘଟଣାସ୍ଥଳରେ ଟ୍ରାକ୍ଟର ଇଞ୍ଜିନ ତଳେ ତଳେ ଚାପି ହୋଇ ଡ୍ରାଇଭରଙ୍କ ଶୋଚନୀୟ ମୃତ୍ୟୁ ଘଟିଥିବା ବେଳେ ତାଙ୍କ ନାବାଳକ ଶଳା ଗୁରୁତର ହୋଇଛନ୍ତି। ମୃତ ଡ୍ରାଇଭର ଜଣକ ହେଉଛନ୍ତି ଅସନ ବାବାହାଳୀ ଭୂମିଜ ସାହିର ବିଶୁ ଭୂମିଜଙ୍କ ପୁଅ ରାଜେଶ ଓରଫ ମିଟୁ (୨୨)। ଗୁରୁତର ନାବାଳକ ଜଣକ ହେଉଛନ୍ତି ରାଜେଶ୍ୱର ନାବାଳକ ଶଳା। ତାଙ୍କ ଘର ଉଦୟପୁର ବୋଲି ଜଣାପଡ଼ିଛି। ପୋଲିସ ଓ ଦମକଳ ବାହିନୀ ନାବାଳକଙ୍କୁ ଉଦ୍ଧାର କରି ଆମ୍ବୁଲାନ୍ସରେ ପାଟଣା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ପଠାଇଛନ୍ତି। ପାଟଣା ଥାନା ଏଏସ୍ଆଇ ଧନେଶ୍ୱର ପାତ୍ର ଜେସିବି ମେଶନରେ ଟ୍ରାକ୍ଟର ତଳୁ ମୃତଦେହ ଉଦ୍ଧାର କରି ପାଟଣା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ପଠାଇଛନ୍ତି।
