ଝାରସୁଗୁଡା ଅଫିସ୍,୧୨।୧୨: ଝାରସୁଗୁଡ଼ା ଜିଲା ତାଳପଟିଆ ଫାଣ୍ଡି ଅଧୀନ ଦୁଲର୍ଗା ଗୌଡପଡା ଛକରେ ଗୁରୁବାର ରାତିରେ ରାସ୍ତା ପାର୍ଶ୍ୱରେ ଛିଡା ହୋଇଥିବା ଏକ ଟ୍ରକ୍ ପଛରେ ପିଟି ହୋଇ ଏକ ବାଇକ୍ ଦୁର୍ଘଟଣା ଗ୍ରସ୍ତ ହୋଇଛି। ଦୁର୍ଘଟଣାରେ ବାଇକ୍ରେ ଥିବା ୩ ଜଣଙ୍କ ମଧ୍ୟରୁ ୨ଜଣ ମୃତ ଘଟିଥିବା ବେଳେ ଅନ୍ୟ ଜଣେ ଆହତଙ୍କୁ ଉଦ୍ଧାର କରି ଚିକିତ୍ସା ପାଇଁ ପଠାଯାଇଛି।
ମୃତକ ହେଲେ ସୁନ୍ଦରଗଡ଼ ଜିଲା ଭଷ୍ମା ଥାନା ଅନ୍ତର୍ଗତ ଅବନକେଲା ଗ୍ରାମର ସୁମନ୍ତ ସାହୁ(୨୩) ଓ ଟୁନା ପାତ୍ର(୨୨)। ଆହତ ଜଣକ ହେଲେ ସିମାଇଁ ନାୟକ(୧୮) ବୋଲି ଜଣାପଡିଛି । ଖବରପାଇ ଫାଣ୍ଡି ଅଧିକାରୀ ସୁନିଲ ସରାଫ ଓ ଜଗଦୀଶ ଜେନା ପ୍ରମୁଖ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛନ୍ତି। ପୋଲିସ ଟ୍ରକ୍ (ନଂ.ଏମ୍ଏଚ୍ ୩୧ଏପି ୭୧୮୯) ଏବଂ ବାଇକ୍ (ନଂ.ଓଡି ୧୬- ୯୯୫୪)କୁ ଜବତ କରିଛି।