ଭୁବନେଶ୍ୱର,୧।୩(ବ୍ୟୁରୋ): ସଂସ୍ଥାପନ ସମୟରେ ଛିଡ଼ିଲା ବିଜୁ ବାବୁଙ୍କ ଡାକୋଟା ବିମାନ। ଭୁବନେଶ୍ୱର ଏୟାରପୋର୍ଟ ସାମ୍ନାରେ ବୁଧବାର ମରାମତି ବେଳେ ଏହା ହାଇଡ୍ରା ବେଲ୍ଟରୁ ଛିଡ଼ି ପଡ଼ିଥିଲା। ଫଳରେ ୨ ଜଣ କର୍ମଚାରୀ ଆହତ ହୋଇଛନ୍ତି। ଆହତ କର୍ମଚାରୀଙ୍କୁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଛି। ଏହି ଘଟଣା ପରେ ଘଟଣାସ୍ଥଳରେ ବିମାନ ମରାମତି କରୁଥିବା କମ୍ପାନୀର ଉଚ୍ଚ ଅଧିକାରୀମାନେ ପହଞ୍ଚି ତଦାରଖ କରିଛନ୍ତି।
ସୂଚନାଯୋଗ୍ୟ, କୋଲକାତା ବିମାନ ବନ୍ଦରରୁ ନିକଟରେ ଡାକୋଟାକୁ ଭୁବନେଶ୍ୱର ଅଣାଯାଇଛି। ମରାମତି ପରେ ଡାକୋଟା ସାଧାରଣ ଲୋକଙ୍କ ପରିଦର୍ଶନ ନିମନ୍ତେ ରଖାଯିବ।