ଇମ୍ଫାଲ,୨୦ା୧୧: ମଣିପୁରର କାଙ୍ଗପୋକ୍ପି ଜିଲାରେ ସଶସ୍ତ୍ର ଦୁର୍ବୃତ୍ତଙ୍କ ଆକ୍ରମଣରେ ଇଣ୍ଡିଆ ରିଜର୍ଭ ବାଟାଲିୟନ (ଆଇଆର୍ବି)ର ଜଣେ ଯବାନ ଓ ଜଣେ ସାଧାରଣ ନାଗରିକ ପ୍ରାଣ ହରାଇଛନ୍ତି। ଏକ ମାରୁତି ଜିପ୍ସିରେ ଆଇଆର୍ବି ଯବାନ ଯାଉଥିବା ବେଳେ ହରାଓଥେଲ୍ ଏବଂ କୋବ୍ଶା ଗ୍ରାମ ମଧ୍ୟରେ ଆକ୍ରମଣ ହୋଇଥିଲା। ଏଥିରେ ଯବାନ ହେନ୍ମିନଲେନ ଭାଇପେଇ ଏବଂ ଡ୍ରାଇଭର ଥାଙ୍ଗମିନ୍ଲୁନ୍ଙ୍କ ମୃତ୍ୟୁ ଘଟିଛି।
ମଣିପୁରରେ ଗତ ମେ’ ମାସରେ ଜାତିଆଣ ହିଂସାକାଣ୍ଡ ପରେ ଉତ୍ତେଜନା ଲାଗିରହିଛି। ଅନେକ ସମୟରେ ସଶସ୍ତ୍ର ଉଗ୍ରପନ୍ଥୀମାନେ କୁକି-ଜୋ ସମ୍ପ୍ରଦାୟକୁ ଟାର୍ଗେଟ କରୁଥିବା ଆଦିବାସୀ ସଂଗଠନ ଅଭିଯୋଗ କରିଆସୁଛି। ସେମାନଙ୍କ ଆକ୍ରମଣରେ ବହୁ ନିରୀହ ଲୋକଙ୍କ ଜୀବନ ଯାଉଛି।
