ରାୟପୁର,୨୦।୨ : ଛତିଶଗଡର ରାଜନନ୍ଦଗାଓଁରେ ପୁଣି ଥରେ ଏକ ବଡ଼ ମାଓବାଦୀ ଆକ୍ରମଣ ଘଟଣା ସାମ୍ନାକୁ ଆସିଛି। ନକ୍ସଲ ଆକ୍ରମଣରେ ଦୁଇ ଜଣ ଯବାନ ଶହୀଦ ହୋଇଛନ୍ତି। ଏହି ଘଟଣା ରାଜନନ୍ଦଗାଓଁ ଜିଲାର ବୋରତଲାଭ ପୋଲିସ ଷ୍ଟେଶନ ଅଞ୍ଚଳରେ ଘଟିଛି। ଯେଉଁଠାରେ ବୋରତଲାଭ ପୋଲିସ ନିକଟସ୍ଥ ଗୋନ୍ଦିଆ ମହାରାଷ୍ଟ୍ର ସୀମାରେ ଥିବା ଚେକ ପୋଷ୍ଟରେ ଯବାନମାନେ ଡ୍ୟୁଟିରେ ଥିବାବେଳେ ମାଓବାଦୀମାନେ ହଠାତ ଜଙ୍ଗଲରୁ ଆସି ଏଭଳି କାଣ୍ଡ ଭିଆଇଛନ୍ତି।
ଶହୀଦ ଯବାନମାନଙ୍କ ନାମ ରାଜେଶ ଏବଂ ଲଲିତ ବୋଲି ଜଣାପଡିଛି। ଡିଏସପି ନକ୍ସଲ ଅପରେଶନ ଅଜିତ ଆ୍ର କହିଛନ୍ତି ଯେ ସକାଳ ପ୍ରାୟ 8 ରୁ 8.30 ମଧ୍ୟରେ ବର୍ଟଲାଭ ପୋଲିସ ଷ୍ଟେସନ ଅଞ୍ଚଳର ବୋର୍ଟଲାଭ ଗୋନ୍ଦିଆ ସୀମାରେ ଯବାନ ଆଙ୍ଗରେ କହିଛନ୍ତି ଯବାନମାନଙ୍କୁ ମୋବାଇଲ ଚେକ ପୋଷ୍ଟରେ ସକାଳ ସାଢ଼େ ୮ ସମୟରେ ମୁତୟନ କରାଯାଇଥିଲା। ଯାନବାହନ ଯାଞ୍ଚ କରାଯାଉଥିଲା। ଏହି ସମୟରେ ହଠାତ ମାଓବାଦୀମାନେ ଗୁଳି ଚଳାଇବା ଆରମ୍ଭ କରିଥିଲେ। ଏହା ସହିତ ମାଓବାଦୀମାନେ ମୋଟରସାଇକେଲରେ ନିଆଁ ଲଗାଇ ଦେଇଥିଲେ। ଅନ୍ୟପକ୍ଷରେ, ଏହାର ସୂଚନା ପାଇବା ମାତ୍ରେ ଅତିରିକ୍ତ ଫୋର୍ସକୁ ଘଟଣାସ୍ଥଳକୁ ପଠାଯାଇଛି। ସମଗ୍ର ଘଟଣାର ଅନୁସନ୍ଧାନ କରାଯାଉଛି।
ଶହୀଦ ହୋଇଥିବା ଯବାନଙ୍କ ପାଇଁ ମୁଖ୍ୟମନ୍ତ୍ରୀ ଭୁପେଶ ବଘେଲ ଦୁଃଖ ପ୍ରକାଶ କରିଛନ୍ତି।