କଟକ,୨୨ା୨(କାର୍ତ୍ତିକ ସାହୁ): ବିଳାସପୁର ପୋଲିସର ସୂଚନା କ୍ରମେ କଟକ ଆର୍ପିଏଫ୍ ୨ନିଖୋଜ ନାବାଳିକାଙ୍କୁ ଉଦ୍ଧାର କରିଛି।ସୂଚନା ଅନୁସାରେ, ୨୧ତାରିଖରେ ନାବାଳିକାଦ୍ୱୟ ସ୍କୁଲକୁ ଯାଇ କେଉଁଆଡ଼େ ନିଖୋଜ ହୋଇଯାଇଥିଲେ। ଏନେଇ ବିଳାସପୁର ଜିଲା ସରକଣ୍ଡା ଥାନାରେ ଏକ ମାମଲା(ନଂ.୨୫୨/୨୦୨୪) ରୁଜୁ ହୋଇଥିଲା। ପୋଲିସ ନିଖୋଜ ନାବାଳିକାଙ୍କ ଫଟୋ ଏବଂ ସେମାନେ ଧରିଥିବା ମୋବାଇଲ୍ର ନମ୍ବର ଜାରି ବିଳାସପୁରରୁ କଟକ, ଭୁବନେଶ୍ୱର ଏବଂ ପୁରୀ ଆସୁଥିବା ଟ୍ରେନ୍ଗୁଡ଼ିକୁ ଯାଞ୍ଚ କରିବା ପାଇଁ କୁହାଯାଇଥିଲା।
ଏହି ସୂଚନାକୁ ଆଧାର କରି କଟକ ଆର୍ପିଏଫ୍ ଟିମ୍ ବିଳାସପୁର/ରାଇପୁରରୁ ଆସୁଥିବା ଟ୍ରେନ୍ଗୁଡ଼ିକ ଉପରେ ନଜର ରଖିବା ସହ ଉକ୍ତ ମୋବାଇଲ୍ ନମ୍ବରକୁ ଟ୍ରାକ କରୁଥିଲା। ହେଲେ ଉକ୍ତ ମୋବାଇଲ୍ଟି ସୁଇଚ୍ ଅଫ୍ ଥିବାରୁ କୌଣସି ସୂଚନା ମିଳୁ ନ ଥିଲା। ହେଲେ ହଠାତ୍ ଯାଜପୁର ଅଞ୍ଚଳରେ ଉକ୍ତ ମୋବାଇଲ୍ ରହିଥିବା ନେଇ ସୂଚନା ମିଳିଥିଲା। କଟକ ଷ୍ଟେସନରେ ଉତ୍କଳ ଏକ୍ସପ୍ରେସ୍ (ନଂ-୧୮୪୭୮) ପହଞ୍ଚିବା ପରେ ଟ୍ରେନ୍କୁ ଯାଞ୍ଚ କରାଯାଇଥିଲା। ଯାଞ୍ଚ ବେଳେ ନିଖୋଜ ନାବାଳିକାଦ୍ୱୟଙ୍କୁ ଆର୍ପିଏଫ୍ ଉଦ୍ଧାର କରିଥିଲା। ଏନେଇ ବିଳାସପୁର ପୋଲିସକୁ ସୂଚନା ଦିଆଯାଇ ମହିଳା ଓ ଶିଶୁ ସହାୟତା କେନ୍ଦ୍ରରେ ଦୁହିଁଙ୍କୁ ରଖାଯାଇଥିଲା। ନାବାଳିକାଙ୍କ ପରିବାର ଲୋକେ ବିଳାସପୁର ପୋଲିସ ସହ କଟକରେ ପହଞ୍ଚିବା ପରେ ନାବାଳିକାଙ୍କୁ ହସ୍ତାନ୍ତର କରାଯାଇଥିବା କଟକ ଆର୍ପିଏଫ୍ ଥାନା ଆଇଆଇସି ଅନୀଲ କୁମାର ସିଂହ ସୂଚନା ଦେଇଛନ୍ତି।