କେନିଆରେ ଦୁଇ ମାସର ଏକ ହାତୀ ଛୁଆ ଏମିତି କିଛି କରିଛି, ଯାହା ଦେଖିଲେ ଆପଣ ହସ ରୋକି ପାରିବେନି। ଛୁଆଟି ନିଜର ବଡ଼ଭାଇ ନିକଟକୁ ଭିଡ଼ି ଯାଇ ଖୁବ୍ ସୁନ୍ଦର ଭାବରେ ତା’ ସହ ଲଢ଼ାଇ କରୁଥିବା ଭିଡିଓରେ ଦେଖିବାକୁ ମିଳିଛି। ଏହି ହାତୀ ଛୁଆର ନାମ ଲେପା। ସୋସିଆଲ ମିଡିଆରେ ହାତୀ ଛୁଆର ଲଢ଼େଇ ଏବେ ଭାଇରାଲ ହେବାରେ ଲାଗିଛି। ଭିଡିଓଟିକୁ ଶୋଲ୍ଡ୍ରିକ୍ ଓ୍ବାଇଲ୍ଡଲାଇଫ୍ ଟ୍ରଷ୍ଟ ଦ୍ୱାରା ଇନ୍ଷ୍ଟାଗ୍ରାମରେ ଶେୟାର କରାଯାଇଛି। ଏଥିରେ ଲେପାକୁ ଛୋଟ ହେଲେ ବି ଭୟଙ୍କର ବୋଲି କ୍ୟାପ୍ଶନ ଲେଖାଯାଇଛି। କାରଣ ଲେପା ନିଜଠୁ ବଡ଼ବଡ଼ ହାତୀଙ୍କ ସହ ସବୁବେଳେ ଲଢ଼େଇ କରିଥାଏ। ଭିଡିଓରେ ଆହୁରି ମଧ୍ୟ ଦେଖିବାକୁ ମିଳିଛି ଅନ୍ୟ ୩ ଟି ହାତୀ ସହ ମଧ୍ୟ ଲେପା ଲଢ଼େଇ କରିବାକୁ ଉଦ୍ୟତ ହେଉଛି। ଏହାକୁ ଅନ୍ୟ ହାତୀମାନେ ଠିଆ ହୋଇ ଦେଖୁଛନ୍ତି।
ଭିଡିଓଟିକୁ ଦେଖି ଜଣେ ୟୁଜର ଲେଖିଛନ୍ତି, ଏହା ପ୍ରକୃତରେ ବହୁତ ସୁନ୍ଦର। ତିନିଜଣ ଏତେ ବଡ଼ ଆଉ ଛୋଟ ଛୁଆଟି ଲଢ଼ିବା ଦେଖି ଅଟକି ଯାଉଛନ୍ତି। ଟ୍ରଷ୍ଟ ପକ୍ଷରୁ କୁହାଯାଇଛି, ଲେପା ହେଉଛି ୩୭ ତମ ଅନାଥ ଛୁଆ। ୨୦୦୬ରେ ତା’ ମା’ ମରିଯାଇଛି। ତେଣୁ ଏହି ଟ୍ରଷ୍ଟ ତାକୁ ଉଦ୍ଧାର କରିଥିଲା।