ନୂଆଦିଲ୍ଲୀ,୧୪।୬: କୁଏଟ୍ର ଏକ ଦୁର୍ଘଟଣାରେ ପ୍ରାୟ ୫୦ ଜଣଙ୍କର ମୃତ୍ୟୁ ଘଟିଛି, ସେମାନଙ୍କ ମଧ୍ୟରୁ ୪୫ଜଣ ଭାରତୀୟ। ସବୁଠାରୁ ବଡ଼ କଥା ହେଉଛି ସେମାନଙ୍କ ମଧ୍ୟରେ ଦୁଇ ଓଡ଼ିଆ ପୁଅ ମଧ୍ୟ ଅଛନ୍ତି। କୁଏଟ୍ ଅଗ୍ନିକାଣ୍ଡରେ ପ୍ରାଣ ହରାଇଥିବା ଓଡ଼ିଆ ପୁଅ ମହମ୍ମଦ ଜହୁରଙ୍କ ପରିବାରରେ ଘୋଟିଯାଇଛି କଳା ବାଦଲ। ଆଉ ୩ ୪ ମାସ ପରେ ତାଙ୍କ ପରିବାରରେ ପାଦ ଥାପିଥାନ୍ତା ଜୁହୁର ଓ ତାଙ୍କ ସ୍ତ୍ରୀଙ୍କ ସନ୍ତକ। ତାଙ୍କ ସ୍ତ୍ରୀ ୭ମାସର ଗର୍ଭବତୀ ଅଛନ୍ତି। ଏବେ ସାରା ପରିବାର ଜୁହୁରଙ୍କ ବିୟୋଗରେ ଦୁଖରେ ବୁଡି ଯାଇଛି।
ସେହିଭଳି କୁଏଟ୍ରେ ଆଉ ଜଣେ ଓଡ଼ଆ ଶ୍ରମିକଙ୍କ ମୃତ୍ୟୁ ହୋଇଛି । ଗଞ୍ଜାମ ଜିଲା ପୁରୁଷୋତମପୁର ବ୍ଲକ ରଣଝାଲି ଗାଁର ସନ୍ତୋଷ ଗୌଡ କୁଏଟ୍ରେ କାମ କରୁଥିଲେ । ବୁଧବାର ଦିନ ନିଜ କାମ ସାରି ନିଜେ ରହୁଥିବା ଘରକୁ ଫେରିଥିଲେ । ଆଉ ସେହି କାଳରାତିରେ ଶୋଇଥିବା ବେଳେ ଅଗ୍ନିକାଣ୍ଡରେ ତାଙ୍କର ପ୍ରାଣ ଚାଲିଯାଇଛି। ସନ୍ତୋଷଙ୍କ ଦୁଇଟି ଛୋଟ ପିଲା ଅଛନ୍ତି । ସେ ପରିବାରର ଗୋଟିଏ ବୋଲି ରୋଜଗାରିଆ ପୁଅ ଭାବେ କୁଏତ ଯାଇ କାମ କରୁଥିଲେ । ଗତ ଦୁଇ ବର୍ଷ ହେଲା ସେ କୁଏତରେ ଥିଲେ । ତେବେ ଦୁଇ ଜଣଙ୍କର ମୃତଦେହ ଆଜି ଭୁବନେଶ୍ୱରରେ ପହଞ୍ଚିବାକୁ ଯାଉଛି।
କେବେ ଆପଣ ଭାବିଛନ୍ତି ଭାରତରୁ ହେଉ କି ଆମ ରାଜ୍ୟରୁ ଏତେ ସଂଖ୍ୟକ ଲୋକ କୁଏତ ଏବଂ ସାଉଦି ଆରବ ଭଳି ଦେଶକୁ କାହିଁକି କାମ କରିବାକୁ ଯାଆନ୍ତି? ବିଶେଷକରି, କୁଏତରେ ଏପରି କେଉଁ ଚାକିରୀ ଅଛି ଯାହାର ସର୍ବାଧିକ ଚାହିଦା ରହିଛି ଆଉ ଏଥିପାଇଁ କେତେ ବେତନ ମିଳୁଛି। ଜାଣନ୍ତୁ…
ଲିଙ୍କଡିନ ଅନୁଯାୟୀ, କୁଏଟ୍ରେ ବ୍ୟବସାୟ ପ୍ରଶାସକଙ୍କ ସର୍ବାଧିକ ଚାହିଦା ରହିଛି। ଏଠାରେ ବ୍ୟବସାୟ ଏତେ ଦ୍ରୁତ ଗତିରେ ଦୌଡୁଛି ଯେ ଅନେକ ବିଦେଶୀ କମ୍ପାନୀ ଏଠାରେ ବ୍ୟବସାୟ କରୁଛନ୍ତି । ଆଉ ଏଠାରେ କାମ କରୁଥିବା ଲୋକମାନେ ପ୍ରତି ମାସରେ ହାରାହାରି ୪୦୦ କୁଏତ ଡିନାର ପାଇଥାନ୍ତି । ଭାରତୀୟ ମୁଦ୍ରାରେ ୧,୦୯.୦୫୫ ଟଙ୍କା ହେବ।
କୁଏଟ୍ରେ ଦ୍ୱିତୀୟ ଡିମାଣ୍ଡିଂ ଚାକିରି ହେଉଛି ମଲ ମ୍ୟାନେଜର । କୁଏଟ୍ ଏବଂ ସାଉଦି ଆରବରେ ମଲ ସଂସ୍କୃତି ଦ୍ରୁତ ଗତିରେ ବ୍ୟାପୁଛି ଏବଂ ସେଠାରେ ବିଶ୍ୱର ସର୍ବୋତ୍ତମ ସପିଂ ସେଣ୍ଟର ମଧ୍ୟ ନିର୍ମାଣ କରାଯାଉଛି । ତେବେ ଏଠାରେ ସପିଂ ସେଣ୍ଟର ଚଳାଇବା ପାଇଁ ମଲ ମ୍ୟାନେଜର ନିଯୁକ୍ତ ହେଉଛି। ଏହି କାମ ପାଇଁ ଜଣେ ପ୍ରତି ମାସରେ ୫୦୦ କୁଏତ ଡିନାର ପାଇଥାଏ, ଯାହା ଭାରତରେ ୧,୩୬,୩୧୯ ଟଙ୍କା ସହିତ ସମାନ ହେବ ।
ଜାଣି ଆଶ୍ଚର୍ଯ୍ୟ ହେବେ ଯେ, କୁଏଟ୍ରେ ଯଦିଓ ଆରବୀ ଏବଂ ପାର୍ସୀ ଭାଷା କୁହାଯାଏ, ସେଠାରେ ଇଂରାଜୀ ଶିକ୍ଷକମାନଙ୍କ ପାଇଁ ବହୁତ ଚାହିଦା ରହିଛି । ଜଣେ ଇଂରାଜୀ ଶିକ୍ଷକ ପ୍ରତି ମାସରେ ୩୦୦ ରୁ ୩୫୦ କୁଏତ ଡିନାର୍ (ପ୍ରାୟ ୯୫,୪୨୩ ଟଙ୍କା) ପାଇଥା’ନ୍ତି ।
କୁଏଟ୍ରେ ସର୍ବାଧିକ ଦରମା ଇଞ୍ଜିନିୟରିଂ କ୍ଷେତ୍ରରେ ମିଳିଥାଏ । ଇଞ୍ଜିନିୟରିଂର ଯେକୌଣସି କାମ ପାଇଁ ହାରାହାରି ଜଣେ ପ୍ରତି ମାସରେ ୬୦୦ ରୁ ୭୫୦ କୁଏତ ଡିନାର୍ (୧,୬୩ ଲକ୍ଷରୁ ୨,୦୪ ଲକ୍ଷ ଟଙ୍କା) ମିଳିଥାଏ ।