ଧର୍ମଶାଳା,୨୧ା୧୧ (ବଟକୃଷ୍ଣ ପରିଡ଼ା): ସୂଚନା ଅଧିକାର ଅଇନରେ ତଥ୍ୟ ପ୍ରଦନ କରି ନ ଥିବା ଧର୍ମଶାଳା ବ୍ଲକର ୨ ଅଧିକାରୀଙ୍କୁ ଅର୍ଥ ଦଣ୍ଡ ମିଳିଛି । ସୂଚନା ଅନୁଯାୟୀ, ଧର୍ମଶାଳା ବ୍ଲକରେ କରୋନା କଟକଣା ସମୟରେ ଖାଦ୍ୟ ସୁରକ୍ଷା ଯୋଜନାରେ ଜାଲିଆତି କରାଯାଇ ଯୋଗ୍ୟ ହିତାଧିକାରୀଙ୍କୁ ବାଦ୍ କରାଯାଇଥିବା ଓ ମୃତକଙ୍କ ନାମରେ ଥିବା ରାଶନ୍ କାର୍ଡରେ ରାଶନ୍ ଉଠାଯାଇ ଆତ୍ମସାତ ହୋଇଥିବା ଅଭିଯୋଗ ହୋଇଥିଲା । ଏହାକୁ ନେଇ ସୂଚନା ଅଧିକାର କର୍ମୀ ସର୍ବେଶ୍ୱର ବେହୁରା ବ୍ଲକକୁ ପୂର୍ଣ୍ଣାଙ୍ଗ ତଥ୍ୟ ମାଗିଥିଲେ ହେଲେ ତଥ୍ୟ ତାଙ୍କୁ ମିଳି ନ ଥିଲା। ଏହାକୁ ନେଇ ସେ ସମୟରେ ଉପରସ୍ଥ ଅଧିକାରୀ ଓ ଶେଷରେ ସୂଚନା ଆୟୋଗଙ୍କ ଦ୍ୱାରସ୍ଥ ହୋଇଥିଲେ। ସୂଚନା ଆୟୁକ୍ତ ବି. କେ. ମହାପାତ୍ର ମାମଲାର ବିଚାରକରି ଧର୍ମଶାଳା ବିଡ଼ିଓଙ୍କୁ ତଦନ୍ତ କରି ରିପୋର୍ଟ ଦେବାକୁ ନିର୍ଦ୍ଦେଶ ଦେଇଥିଲେ । ଧର୍ମଶାଳା ବିଡ଼ିଓ ଜୁନ ୨୩ରେ ଦେଇଥିବା ତାଙ୍କ ରିପୋର୍ଟରେ ତକତ୍ାଳୀନ ବ୍ଲକ ଯୋଗାଣ ଅଧିକାରୀ ଜଗମୋହନ ଦାସ ତାଙ୍କ କାର୍ଯ୍ୟରେ ଅବହେଳା କରିଥିବା ଦର୍ଶାଇଥିଲେ । ଏହାକୁ ଆଧାର କରି ସୂଚନା ଆୟୁକ୍ତ ଦାସଙ୍କୁ ୧୫ ହଜାର ଟଙ୍କା ଆର୍ଥତ୍କ ଦଣ୍ଡ ବିଧାନ କରିଛନ୍ତି । ଯଦି ସେ ଉକ୍ତ ଜରିମାନା ରାଶି ନୋଟିସ୍ ପାଇବାର ୧ ମାସ ମଧ୍ୟରେ ପ୍ରଦାନ ନ କରନ୍ତି ତେବେ ତାଙ୍କ ଦରମା କିମ୍ବା ପେନସନରୁ ୩ଟି କିସ୍ତିରେ ୨୦୨୪ ଜାନୁୟାରୀରୁ କାଟି ନେବାକୁ ନିର୍ଦ୍ଦେଶ ଦେଇଛନ୍ତି । ସେହିପରି ଏହି ବ୍ଲକର ଗ୍ରାମ୍ୟ ଜଳଯୋଗାଣ ବିଭାଗ ଅଧୀନରେ କାର୍ଯ୍ୟ କରୁଥିବା ବିଭିନ୍ନ ପ୍ରକଳ୍ପରେ ବ୍ୟାପକ ଦୁର୍ନୀତି ହୋଇଥିବା ଅଭିଯୋଗ ଆସିବାପରେ ସୂଚନା ଅଧିକାର କର୍ମୀ ବେହୁରା ତଥ୍ୟ ମାଗିଥିଲେ ମଧ୍ୟ ତଥ୍ୟ ମିଳି ନ ଥିଲା । ଏହାକୁ ନେଇ ସେ ସୂଚନା ଆୟୋଗଙ୍କ ନିକଟରେ ଅଭିଯୋଗ ପରେ ସୂଚନା ଆୟୋଗଙ୍କ ପକ୍ଷରୁ ମାମଲାର ଯାଞ୍ଚ କରାଯିବ ପରେ ତକତ୍ାଳୀନ ଯନ୍ତ୍ରୀ ଦୀପକ କୁମାର ଜେନାଙ୍କୁ ୧୫ ହଜାର ଟଙ୍କା ଆର୍ଥତ୍କ ଦଣ୍ଡ ଦେଇଛନ୍ତି। ମାସକ ମଧ୍ୟରେ ଜେନା ଯଦି ଜରିମାନା ରାଶି ପ୍ରଦାନ ନ କରନ୍ତି ତେବେ ୨୦୨୪ ଜାନୁୟାରୀରୁ ତାଙ୍କ ମାସିକ ଦରମା କିମ୍ବା ପେନସନରୁ କାଟି ନେବାକୁ ନିର୍ଦ୍ଦେଶ ଦିଆଯାଇଛି ।