ନୂଆଦିଲ୍ଲୀ,୧୪।୫: ଆଇପିଏଲ ୨୦୨୪ର ପ୍ଲେ ଅଫ ପର୍ଯ୍ୟାୟ ପୂର୍ବରୁ ଇଂଲଣ୍ଡର ଅନ୍ୟ ୨ ଖେଳାଳି ଆଇପିଏଲ ୨୦୨୪କୁ ବିଦାୟ ଦେଇଛନ୍ତି। ରାଜସ୍ଥାନ ରୟାଲ୍ସର ଓପନିଂ ବ୍ୟାଟ୍ସମ୍ୟାନ ଜୋସ ବଟଲର ଆରଆର କ୍ୟାମ୍ପକୁ ବିଦାୟ ଦେଇଛନ୍ତି। ବର୍ତ୍ତମାନ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ (ଆରସିବି) ବ୍ୟାଟ୍ସମ୍ୟାନ ୱିଲ ଜ୍ୟାକ ଏବଂ ବୋଲର ରିସ ଟୋପଲି ମଧ୍ୟ ଆଇପିଏଲ ୨୦୨୪ ଛାଡି ଇଂଲଣ୍ଡକୁ ଫେରୁଛନ୍ତି। ଆରସିବି ପକ୍ଷରୁ ଏକ ଭିଡିଓ ମାଧ୍ୟମରେ ଏହା ନିଶ୍ଚିତ ହୋଇଛ। ଜ୍ୟାକ ଏବଂ ଟୋପଲି ବେଙ୍ଗାଲୁରୁ ଦଳ ଛାଡି ଇଂଲଣ୍ଡ ଦଳର ଏକ ଅଂଶ ହେବାକୁ ଯାଉଛନ୍ତି।
ଆରସିବି ଜାରି କରିଥିବା ଭିଡିଓ ଜାରି କରିଛି। ଏହି ଭିଡିଓରେ ସମସ୍ତ ଖେଳାଳି ଏବଂ ସପୋର୍ଟ ଷ୍ଟାଫ ଡ୍ରେସିଂ ରୁମରେ ବସିଛନ୍ତି। ସମସ୍ତେ ଜ୍ୟାକ ଏବଂ ଟୋପଲିଙ୍କ ପାଇଁ କରତାଳି ଦେଇଥିଲେ ଏବଂ ଉଭୟ ଇଂଲଣ୍ଡ ଖେଳାଳିମାନେ ସିଜିନ୍ରେ ସେମାନଙ୍କର ସ୍ମୃତିକୁ ଶବ୍ଦରେ ପ୍ରକାଶ କରିଥିଲେ।
ଜ୍ୟାକ ୨୦୨୪ରେ ଆରସିବି ପାଇଁ ନିଜର ଆଇପିଏଲ ଡେବ୍ୟୁ କରିଥିଲେ। ଏହି ସିଜନରେ ସେ ୮ଟି ମ୍ୟାଚରେ ହାରାହାରି ୩୨.୮୬ରେ ୨୩୦ ରନ କରିଛନ୍ତି। ଅନ୍ୟପକ୍ଷରେ ଚଳିତ ସିଜନରେ ୪ଟି ମ୍ୟାଚରେ ରିସ ଟୋପଲି ମାତ୍ର ୪ ଉଇକେଟ ନେଇଛନ୍ତି।
ଟି-୨୦ ବିଶ୍ୱକପ ୨୦୨୪ ପୂର୍ବରୁ ଇଂଲଣ୍ଡ ଏବଂ ପାକିସ୍ତାନ ମଧ୍ୟରେ ୪ ମ୍ୟାଚ ବିଶିଷ୍ଟ ଟି-୨୦ ସିରିଜ ଖେଳାଯିବ। ଏହା ମେ ୨୨ ରୁ ୩୦ ପର୍ଯ୍ୟନ୍ତ ଚାଲିବ। ଏହି ସିରିଜ ପାଇଁ ମୋଏନ ଅଲି (ସି,ସକେ), ଜନି ବେୟାରଷ୍ଟୋ (ପିବିକେଏସ୍), ସାମ କୁରାନ (ପିବିକେଏସ୍) ଏବଂ ଫିଲ ସଲ୍ଟ(କେକେଆର୍) ମଧ୍ୟ ଇଂଲଣ୍ଡ ଦଳରେ ଆଇପିଏଲ ୨୦୨୪ରେ ଖେଳୁଛନ୍ତି। ପାକିସ୍ତାନ ଏବଂ ବିଶ୍ୱକପ ବିପକ୍ଷ ସିରିଜ ପାଇଁ ପ୍ରସ୍ତୁତିକୁ ଦୃଷ୍ଟିରେ ରଖି ଏହି ଖେଳାଳିମାନେ ଆଗାମୀ କିଛି ଦିନ ମଧ୍ୟରେ ଇଂଲଣ୍ଡକୁ ଫେରିପାରିବେ।