ସୋସିଆଲ ମିଡିଆରେ ଅନେକ ସମୟରେ ପଶୁପକ୍ଷୀଙ୍କ ଭିଡିଓ ଭାଇରାଲ ହୋଇଥାଏ। ଏଥିରୁ କିଛି ଭିଡିଓ ଶିକ୍ଷଣୀୟ ହୋଇଥିବା ବେଳେ ଆଉ କିଛି ମଜାଳିଆ ହୋଇଥାଏ। ଯାହା ଦେଖି ଲୋକେ ଆନନ୍ଦ ପାଇଥାନ୍ତି। ଏବେ ସେମିତି ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଯେଉଁଥିରେ ଦୁଇଟି କୁକୁର ପିଲାମାନଙ୍କ ଝଗଡ଼ା କରୁଥିବା ଦେଖାଯାଉଛି।
ଭିଡିଓରେ, ଦୁଇଟି ଛୋଟ କୁକୁର ଏକ ଖେଳନା ସ୍କୁଟର ଚଢ଼ିବା ପାଇଁ ନିଜ ମଧ୍ୟରେ ଝଗଡ଼ା କରୁଛନ୍ତି। େଇନଷ୍ଟାଗ୍ରାମରେ @ earth.brains ଦ୍ୱାରା ଅଂଶୀଦାର ହୋଇଥିବା ଏହି ଭିଡିଓକୁ ଲୋକମାନେ ଉପଭୋଗ କରୁଛନ୍ତ। ସେମାନଙ୍କୁ ଦେଖି ଆପଣ ଅନୁଭବ କରିବେ ଯେ, ପଶୁମାନେ ମଧ୍ୟ ମଣିଷ ପରି ମଜା କରନ୍ତି ଏବଂ ଛୋଟ ପିଲାମାନଙ୍କ ପରି ପରସ୍ପର ସହିତ ଲଢ଼ିଥାନ୍ତି।
ଭିଡିଓରେ ଗୋଟିଏ କୁକୁର ବାଦାମୀ ରଙ୍ଗର ହୋଇଥିବାବେଳେ ଅନ୍ୟଟି ଧଳା ରଙ୍ଗର। ଗୋଲାପୀ ରଙ୍ଗର ଏକ ସ୍କୁଟର ଦେଖି ଦୁହେଁ ଏତେ ଖୁସି ଯେ କିଏ ପ୍ରଥମେ ଚଢ଼ିବ ସେନେଇ ଝଗଡ଼ା ଲାଗିଯାଉଛନ୍ତି। ବାଦାମୀ ରଙ୍ଗର କୁକୁରଟି ପ୍ରଥମେ ସ୍କୁଟର ଆଡ଼କୁ ଯାଉଛି, ପରେ ଧଳା ରଙ୍ଗର କୁକୁରଟି ତାକୁ ଅଟକାଇବାକୁ ଚେଷ୍ଟା କରୁଛି। ସେମାନେ ପିଲାମାନଙ୍କ ପରି କଳି କରୁଥିବା ନଜର ଆସିଛନ୍ତି। ଶେଷରେ ବାଦାମୀ ରଙ୍ଗର କୁକୁର ଛୁଆଟି ସ୍କୁଟର ଚଢୁଛି। ଭିଡିଓଟି ଖୁବ୍ ସୁନ୍ଦର।
ଭିଡିଓଟି ଜୁନ୍ ୧୪ରେ ଶେୟାର ହୋଇଥିବା ବେଳେ ଏହାକୁ ୪୩ ଲକ୍ଷରୁ ଅଧିକ ଲୋକ ଦେଖିସାରିଲେଣି। ୨ ଲକ୍ଷରୁ ଅଧିକ ଲୋକ ଲାଇକ୍ କରିଛନ୍ତି। ହଜାର ହଜାର ୟୁଜର ମଧ୍ୟ ଏହା ଉପରେ କମେଣ୍ଟ ଦେଇଛନ୍ତି।