କିଭ୍/ମସ୍କୋ,୧୪।୯ : ବୁଧବାର, ୟୁକ୍ରେନ ରୁଷିଆର କ୍ରାଇମବ୍ରାଞ୍ଚର ଏକ ରଣନୈତିକ ଗୁରୁତ୍ୱପୂର୍ଣ୍ଣ ଜାହାଜ ଘର ଉପରେ ଆକ୍ରମଣ କରିଛି। ଏଥିରେ ୨୪ ଜଣ ଆହତ ହୋଇଛନ୍ତି। ମରାମତି ପାଇଁ ଅଣାଯାଇଥିବା ଦୁଇଟି ଜାହାଜ ମଧ୍ୟ କ୍ଷତିଗ୍ରସ୍ତ ହୋଇଛି। ସେଭାଷ୍ଟୋପୋଲ ଜାହାଜ କାରଖାନା ଉପରେ ହୋଇଥିବା ଆକ୍ରମଣ ଗତ ସପ୍ତାହରେ ହୋଇଥିବା ସବୁଠାରୁ ବଡ ଘଟଣା।
ରୁଷିଆର ପ୍ରତିରକ୍ଷା ମନ୍ତ୍ରଣାଳୟ କହିଛି ଜାହାଜ କାରଖାନା ଉପରେ ୧୦ଟି କ୍ରୁଜ କ୍ଷେପଣାସ୍ତ୍ର ଏବଂ ତିନୋଟି ସାମୁଦ୍ରିକ ଡ୍ରୋନ କୃଷ୍ଣସାଗରରେ ରୁଷିଆର ଜାହାଜ ଉପରେ ଆକ୍ରମଣ କରିଛି। ସାତୋଟି କ୍ଷେପଣାସ୍ତ୍ରକୁ ଧ୍ୱଂସ କରାଯାଇଥିଲା ଏବଂ ସମସ୍ତ ଡ୍ରୋନକୁ ନଷ୍ଟ କରାଯାଇଥିଲା, କିନ୍ତୁ କିଛି କ୍ଷେପଣାସ୍ତ୍ର ଦୁଇଟି ଜାହାଜକୁ ନଷ୍ଟ କରି ଦେଇଥିଲା।
ସେଭାଷ୍ଟୋପୋଲର ମସ୍କୋ ଦ୍ୱାରା ନିଯୁକ୍ତ ରାଜ୍ୟପାଳ ମିଖାଇଲ ରଜଭୋଜାଏଭ ଟେଲିଗ୍ରାମରେ ଏକ ଫଟୋ ପୋଷ୍ଟ କରିଛନ୍ତି, ଯେଉଁଥିରେ ଜାହାଜ କାରାଖାନାରୁ ନିଆଁ ଓ ଧୂଆଁ ବାହାରୁଥିବା ଦେଖାଯାଉଛି। ରୁଷିଆର ପ୍ରତିରକ୍ଷା ମନ୍ତ୍ରଣାଳୟ କହିଛି କ୍ଷତିଗ୍ରସ୍ତ ହୋଇଥିବାର ରୁଷିଆର ଯୁଦ୍ଧ ଜାହାଜ ସେଭାଷ୍ଟୋପୋଲ ଜାହାଜ କାରଖାନାରେ ସମ୍ପୂର୍ଣ୍ଣ ମରାମତି କରାଯିବା ପରେ ପୁନର୍ବାର ନୌସେନାକୁ ଫେରାଇ ଦିଆଯିବ।
