ନୂଆଦିଲ୍ଲୀ, ୧୩।୦୭: ଆଇସିସି ଟି-୨୦ ବିଶ଼୍ବକପ୍ ୨୦୨୪ର ଆୟୋଜନକୁ ନେଇ ଟୁର୍ଣ୍ଣାମେଣ୍ଟ ଚାଲିଥିବା ସମୟରେ ଅନେକ ଲୋକ ପ୍ରଶ୍ନ ଉଠାଇଥିଲେ । ଏନେଇ ବସିବାକୁ ଥିବା ଆଇସିସି ବୈଠକରେ ଆଲୋଚନା ହେବ ବୋଲି ଜଣାପଡ଼ିଛି । ଶ୍ରୀଲଙ୍କାରେ ବସିବାକୁ ଥିବା ଏହି ବୈଠକ ପୂର୍ବରୁ ଆଇସିସିର ଦୁଇ ବରିଷ୍ଠ ଅଧିକାରୀ ନିଜ ପଦରୁ ଇସ୍ତଫା ଦେଇଛନ୍ତି । କୁହାଯାଉଛି ଯେ, ଟି-୨୦ ବିଶ଼୍ବକପ୍ ଆୟୋଜନରେ ହୋଇଥିବା ଅବ୍ୟବସ୍ଥା ପାଇଁ ଏହି ଅଧିକାରୀ ଆଗୁଆ ଇସ୍ତଫା ପ୍ରଦାନ କରିଛନ୍ତି ।
ଜୁଲାଇ ୧୯ରେ ଶ୍ରୀଲଙ୍କାରେ ବସିବାକୁ ଯାଉଥିବା ଆଇସିସିର ଏହି ବୈଠକ ପୂର୍ବରୁ ବିଭିନ୍ନ ଅଧିକାରୀଙ୍କ ମଧ୍ୟରେ ଛନକା ପଶିଛି । ମିଳିଥିବା ସୂଚନା ଅନୁସାରେ ଆଇସିସିର ଇଭେଣ୍ଟ୍ସ ମୁଖ୍ୟ କ୍ରିସ୍ ଟେଟଲି ଏବଂ ମାର୍କେଟିଂ ଓ ଯୋଗାଯୋଗ ବିଭାଗର ଜେନେରାଲ୍ ମ୍ୟାନେଜର କ୍ଲେ.ର ଫୁରଲାଙ୍ଗ୍ ଗତମାସରେ ୱେଷ୍ଟଇଣ୍ଡିଜ୍ ଏବଂ ଆମେରିକାରେ ଆୟୋଜିତ ଟି-୨୦ ବିଶ଼୍ବକପ୍ରେ ଖରାପ ଯୋଜନାକୁ ନେଇ ପ୍ରଶ୍ନ ଉଠିବା ପରେ ପଦରୁ ଇସ୍ତଫା ଦେଇଛନ୍ତି ବୋଲି ଚର୍ଚ୍ଚା ହେଉଛି ।